Showing posts with label स्थानीय समाचार. Show all posts
Showing posts with label स्थानीय समाचार. Show all posts

Tuesday, April 7, 2020

२२२ जना क्वारेन्टाइनमा

२२२ जना क्वारेन्टाइनमा

प्रस, गरुडा, २५ चैत/
    रौतहटका विभिन्न स्थानमा बनाइएका क्वारेन्टाइनमा २२२ जनालाई राखिएको छ। विभिन्न स्थानबाट आएकालाई क्वारेन्टाइनमा राखिएको हो । क्वारेन्टाइनमा रहेकामध्ये १३ जना महिला र २०९ जना पुरुष छन्। जिल्ला बाहिरबाट आएकालाई क्वारेन्टाइनमा राखिएको छ । जिल्लामा ८३६ जनाको लागि क्वारेन्टाइन तयार भइसकेको जिल्ला प्रशासन कार्यालय, रौतहटले जनाएको छ।
पर्सा, बाराबाहेकका जिल्लामा मालसामान जान सकेन

पर्सा, बाराबाहेकका जिल्लामा मालसामान जान सकेन

प्रस, परवानीपुर, २५ चैत/
    वीरगंजस्थित श्रीसिया सुक्खा बन्दरगाहबाट नेपाल सरकारले पैठारी हुने हरेक किसिमका सामानको जाँचपास गरी ढुवानी गर्न, गराउन सरोकारवाला निकायलाई निर्देशन जारी गरे तापनि पर्सा, बाराबाहेक अरू जिल्लामा बन्दरगाहबाट मालसामान जान नसकेको भन्सार अधिकारीहरूको भनाइ छ।
    मालसामान बोकेर गइरहेका गाडीलाई ठाउँ–ठाउँमा सुरक्ष्Fाकर्मीले चेकजाँच गर्ने, चालकलाई कुटपिट गर्ने जस्ता व्यवहार भइरहेकाले ड्राइपोर्टबाट मालसामान बोकेर जाने गाडीहरूको सङ्ख्यामा कमी आएको बन्दरगाह भन्सारका प्रमुख भन्सार अधिकृत उमेश श्रेष्ठले बताए।
    उनले अतिआवश्यक सामानहरूमा दाना बनाउने कच्चा पदार्थ, भटमास, मकै, तोरी, टे«डिङ आइटमका सामान, दैनिक उपभोग्यका रेडिमेड सामानहरूलगायत सहजै बाहिरका जिल्ला जाने अवस्था नरहेको जानकारी गराए।
    भारतबाट मालसामान बोकेर आउने कन्टेनरको सङ्ख्यामा कमी नआए तापनि ड्राइपोर्टबाट कन्टेनर लोड भएर ढुवानी नहुँदा करीब २२ सय कन्टेनर होल्ड भएर बसेको पनि उनले जानकारी गराए।
 सीमानाका निगरानीका लागि एपिएफको अस्थायी पोस्ट

सीमानाका निगरानीका लागि एपिएफको अस्थायी पोस्ट

प्रस, गरुडा, २५ चैत/
    भारतबाट लुकीछिपी मानिसहरू नेपाल प्रवेश गरिरहेका सूचना पाएपछि सशस्त्र प्रहरी बल नेपालको नम्बर ११ गणले विभिन्न ठाउँमा अस्थायी पोस्ट स्थापना गरेको छ। लकडाउनलाई मध्यनजर गर्दै सीमा वारपार गर्न नदिन जिल्लाका ६ ठाउँमा अस्थायी पोस्ट स्थापना गरिएको हो।
    नेपाल र भारत सीमानाकामा रौतहटसित भारतको सीतामढी र पूर्वी चम्पारण जिल्लाको सिमाना जोडिएको छ। लकडाउनको समयमा लुकीछिपी मानिसहरू वारपार गरिरहेको र यसले दुवैतिर सङ्क्रमणको सम्भावना हुने भएकोले विभिन्न ठाउँमा अस्थायी आउट पोस्ट स्थापना गरिएको गणका प्रनाउ प्रमोद भारतीले जानकारी गराएका छन् ।
    नेपाल र भारतबीच खुला नाका भएकोले सर्वसाधारणहरू सहजै आवतजावत गर्न सक्छन्। सशस्त्र प्रहरीको अस्थायी आउट पोस्ट स्थापना भएपछि लकडाउन निकै प्रभावकारी भएको छ। अस्थायी आउट पोस्टबाट निरन्तर सशस्त्र गस्तीसमेत हुन थालेपछि गोरेटो तथा वैकल्पिक मार्ग भएर सीमा वारपार गर्न नसकिने अवस्थाको सिर्जना भएको छ।
    जिल्लाको नेपाल–भारत सीमानाकास्थित राजदेवी नपा–९ को ब्रह्मपुरीमा रहेको सामुदायिक भवन, ईशनाथ नपा–४ को मावि मठियाको भवन, ईशनाथ नपा–६ घिउरास्थित कान्ति आधारभूत विद्यालय, बौद्धिमाई नपा–७ को बङ्कुलस्थित छोटी भन्सार कार्यालय, गौर नपा–२ महादेवपट्टि र गौर नपा–१ कानुपट्टिमा अस्थायी आउट पोस्ट स्थापना भएको गणपति सशस्त्र प्रहरी उपरीक्षक रविनराज कर्णजीतले जानकारी गराएका छन्।
आगलागीपीडितलाई राहत वितरण

आगलागीपीडितलाई राहत वितरण

प्रस, ठोरी, २५ चैत/
    ठोरी गाउँपालिका–१ सिङ्गेडाँडामा  आगलागीपीडित पाँच दलित परिवारलाई राहत सामग्री वितरण गरिएको छ।
    कपूरबोट मिडिया प्रालिले कम्बल, डसना, झुल, तन्ना, सिरानी, मास्कलगायतका सामग्री वितरण गरेको हो।
    कपूरबोट मिडिया प्रालिका अध्यक्ष्F सन्तोष देउजाले आगलागीपीडित परिवारलाई राहत सामग्री वितरण गरेका थिए।
    चैत ७ गते ठोरी गाउँपालिका–१ भगवाननगर टाँडीमा भएको आगलागीबाट तेजबहादुर परियार, भरत परियार, चेतबहादुर परियार, कृष्ण परियार र किशोर परिवारको घर जलेर नष्ट भएको थियो।
११ जना कैदीबन्दी रिहा

११ जना कैदीबन्दी रिहा

प्रस, वीरगंज, २५ चैत/
    वीरगंज कारागारबाट थप ११ जना कैदीबन्दी रिहा भएका छन्। कोरोना भाइरसको सम्भावित जोखिम न्यूनीकरणका लागि सर्वोच्च अदालतले एक वर्षभन्दा कम सजाय भोग्न बाँकी ठगी र लेनदेन मुद्दाबाहेकका कैदीहरूलाई रिहा गर्न भनि दिएको आदेशबमोजिम बन्दी सुधारगृहबाट मङ्गलवार थप ११ जनालाई रिहा गरिएको वीरगंज कारागारका जेलर श्रवण पोखरेलले बताए।
    यसअघि चैत २० गते १७ जना कैदी रिहा भएका थिए।

Find us