Showing posts with label प्रमुख समाचार. Show all posts
Showing posts with label प्रमुख समाचार. Show all posts

Tuesday, August 11, 2020

 दोषी देखिएका अस्पतालविरुद्ध कारबाइको तयारी

दोषी देखिएका अस्पतालविरुद्ध कारबाइको तयारी

प्रस, जनकपुरधाम, २६ साउन/

प्रदेश २ सरकारको प्रतिनिधिमण्डलले कोरोना रोकथामका लागि सङ्घीय राजधानी काठमाडौं पुगेर सङ्घीय सरकारको गम्भीर ध्यानाकर्षण गराएको छ ।

प्रदेशका मुख्यमन्त्री लालबाबू राउत गद्दीको नेतृत्वमा गएको टोलीले आइतवार सङ्घीय सरकारका उपप्रधानमन्त्री एवं रक्षामन्त्री ईश्वर पोखरेल, स्वास्थ्यमन्त्री भानुभक्त ढकाल र श्रममन्त्री रामेश्वरराय यादवस“ग भेट गर्दै प्रदेशमा पैmलिरहेको कोरोना महामारीको अवस्थाबारे ध्यानाकर्षण गराएको हो । प्रदेश नं. २ मा कोरोना भाइरस महामारीका कारण आपत्कालीन अवस्था आइसकेको जानकारी गराउ“दै मुख्यमन्त्री गद्दीले रोकथामका लागि विशेष प्याकेज ल्याउन आग्रह गरेका छन् ।

प्रदेश २ कोरोना भाइरसबाट अति प्रभावित रहेकोले प्रहरी प्रशासनलाई चुस्त दुरुस्तरूपमा परिचालन गरी सीमा क्षेत्रमा थप कडाइ गराउन आग्रह गर्दै प्रदेशका गम्भीर प्रकृतिका बिरामीलाई तत्काल काठमाडौं पु¥याउन एयर एम्बुलेन्स वा हेलिकप्टर तयारी अवस्थामा राख्न मुख्यमन्त्री गद्दीले सङ्घीय उपप्रधान तथा रक्षामन्त्री पोखरेलस“ग आग्रह गरे । उनले प्रदेशमा विज्ञसहितको चिकित्सक टोली तत्काल पठाउन माग गर्दै प्रदेशका सबै निजी अस्पतालमा कुल शøयाको कम्तीमा २० प्रतिशत आइसोलेशन शøया सञ्चालन गराउन सुझाएका छन् ।

मुख्यमन्त्री गद्दीको कुरा सुनेपछि उपप्रधानमन्त्री पोखरेलले वीरगंजस्थित नेशनल मेडिकल कलेजमा कोभिड उपचारका लागि ५ सय शøयाको आइसोलेशन वार्ड तुरुन्त व्यवस्थापन गर्ने,  तत्काल ५० हजार भिटिएम रिएजेन्ट किट प्रदेश २ लाई उपलब्ध गराउने र छिटो पिसिआर परीक्षणका लागि दुईवटा आरएनए मेशिन उपलब्ध गराउने तयारी भइरहेको बताएको प्रतिनिधिमण्डलका सहभागीहरूले जानकारी गराएका छन् ।

सो अवसरमा स्थानीय आवश्यकता र जनभावनालाई कदर गर्दै वीरगंजस्थित नारायणी केन्द्रीय अस्पताललाई जेनरल अस्पतालकै रूपमा सञ्चालन गर्ने, बिरामी भर्ना एवं उपचारमा लापरवाही गर्ने निजी अस्पतालहरूलाई छानबीन गरी कारबाही गर्ने विषयमा मुख्यमन्त्रीको टोली र उपप्रधानमन्त्रीबीच सहमति जुटेको मुख्यमन्त्रीको सचिवालयले जानकारी गराएको छ ।

सङ्घीय मन्त्रीहरूस“गको भेटघाटपछि मुख्यमन्त्री गद्दीले सोमवार सञ्चारकर्मीस“ग कुरा गर्दै अस्पतालको ढोका चहार्दा चहार्दै बिरामीको मृत्यु हुने अवस्था रहनु मुलुकको ऐन कानून र मानवीय समवेदनाहीनताको पराकाष्ठा भन्दै दोषी देखिएका त्यस्ता स्वास्थ्य संस्थाहरूको लाइसेन्स नै खारेज गर्नुपर्ने माग राखेका छन् । उनले गैरजिम्मेवार स्वास्थ्य संस्था एवं चिकित्सकहरू प्रदेश मातहतमा आएमा उनीहरूको लाइसेन्स खारेज गरेर प्रचलित ऐन कानून अनुसार कारबाई गर्ने घोषणा गरेका छन् । मुख्यमन्त्री गद्दी नेतृत्वको टोलीमा प्रदेशका सामाजिक विकासमन्त्री नवलकिशोर साह, मुख्य न्यायाधिवक्ता दीपेन्द्र झालगायतको सहभागिता थियो ।

Sunday, August 9, 2020

वीरगंजमा बन्द गर भन्दा खुल्ने पसलहरू, खोल भन्दा बन्द

वीरगंजमा बन्द गर भन्दा खुल्ने पसलहरू, खोल भन्दा बन्द

प्रस, वीरगंज, २५ साउन/
    कोभिड–१९ व्यवस्थापन सङ्कट केन्द्र पर्साले साउन २३ गतेको बैठकबाट निषेधाज्ञा अवधिमा मापदण्ड पूरा गरी पसल, व्यवसाय, बैंक सञ्चालन गर्न निर्णय गरे पनि वीरगंजमा समुदायस्तरमा कोरोना फैलिएको कारण व्यवसायीहरूले नै पसल खोलेका छैनन्।
    केन्द्रले साउन १० गतेदेखि सदरमुकाम र साउन १९ गतेदेखि जिल्लाभर अत्यावश्यक सेवाहरूबाहेक अन्य सेवा बन्द गर्न निर्देशन जारी गरेकोमा साउन २३ गतेको निर्णयबाट पसल, उद्योग, व्यवसाय सञ्चालन र बैंकिङ सेवा सुचारु गर्न दिने निर्णय गरेको थियो।
    स्वास्थ्य र सुरक्षाका शर्तहरू पूरा गरी भीडभाड नगरेर स्थानीय तह र प्रहरीसँगको सहकार्यमा उचित समयमा सञ्चालनको अनुमति दिए पनि वीरगंज महानगरमा कुनै पनि पसल, व्यवसाय सञ्चालनमा आएनन् भने बैंक पनि खुलेनन्।
    यसअघि लकडाउन, निषेधाज्ञा लागू हुँदा व्यवसाय र बैंक सञ्चालनको माग हुने गरेको थियो। अहिले केन्द्रले नै व्यवसाय र बैंक सञ्चालनको निर्णय गर्दा सङ्क्रमणको त्रासले कसैले पनि सञ्चालन गरेका छैनन्।
    वीरगंजको मुख्य सडकका सबै पसल बन्द छन्। यसैगरी, लुकीछिपी खोल्ने रानीघाट, बिर्ता, नगवा, राधेमाई, मुर्ली, छपकैयासमेतमा पसलहरू बन्द भएका छन्।
    वीरगंज उद्योग वाणिज्य सङ्घका अध्यक्ष गोपाल केडियाले निषेधाज्ञा लम्बिंदै जाँदा पनि कुनै पनि व्यवसायीले यसपटक पसल खोल्न फोन नगरेको बताए। यसअघि उनले कोरोना सङ्क्रमण समुदायमा नदेखिंदा व्यवसायीको फोन आएर हैरान हुने र उनीहरू स्वयम् आन्दोलनमा उत्रेर दबाब दिने गरेको बताए। सङ्घले अहिले बैंक सञ्चालनमा जोड दिएको अध्यक्ष केडियाले बताए। भन्सार खुला गरिएको कारण बैंकिङ सेवा सुचारु नहुँदा व्यवसायीहरूलाई मर्का परेको उनको भनाइ छ। वीरगंज भन्सार, सुक्खा बन्दरगाह, आइसिपीमा रहेका बैंकमा मात्र सबै व्यवसायीको खाता नभएको हुँदा त्यसबाहेकका बैंकहरू बन्द हुँदा आर्थिक कारोबारमा समस्या भएको अध्यक्ष केडियाले बताए।
    बैंकर्स एशोसिएशनका अध्यक्ष्F रोशनभक्त श्रेष्ठले तोकिएका भन्सार क्ष्Fेत्रबाहेक अन्यत्र बैंक सेवा साउन महीनाभरि सञ्चालनमा आउन नसक्ने बताए। उनले बैंकर्सहरूमा पनि सङ्क्रमण देखिएको र समुदायस्तरमा सङ्क्रमण फैलिरहेको अवस्थामा जोखिम उठाउन नसकिने बताएका छन्। भदौ १ गतेदेखि नेपाल राष्ट्र बैंकले निर्देशन गरे अनुसार आलोपालो व्यवस्थाबाट बैंकिङ सेवा शुरू हुन सक्ने उनले बताए।

Saturday, August 8, 2020

कुनै पनि अस्पतालले उपचार नगरेपछि युवतीको मृत्यु

कुनै पनि अस्पतालले उपचार नगरेपछि युवतीको मृत्यु


प्रस, वीरगंज, २४ साउन/
    उपचार नपाएर शनिवार बिहान एकजना युवतीको मृत्यु भएको छ। वीरगंज–२ छपकैया निवासी २० वर्षीया युवतीको उपचार अभावमा मृत्यु भएको जनता समाजवादी पार्टी पर्साका सचिव तबरेज अहमदले बताए।
    उनले दुई–तीन दिनदेखि ज्वरो आएर अस्वस्थ भएकी युवतीको उपचारको लागि राति १० बजे परिवारजनले एडभान्स मेडिकेयरमा लगेको र त्यहाँ पिसिआर रिपोर्ट नभएको कारण उपचार नगरी पठाइएको थियो। त्यसपछि क्रमिकरूपमा भवानी, तराई, नेशनल मेडिकल कलेज, वीरगंज हेल्थकेयर र नारायणी अस्पतालसमेतले उपचार गर्न नमानेपछि बिरामीलाई राति दुई बजे कोभिड अस्थायी अस्पताल गण्डक पु–याइएको र त्यहाँ पुग्नासाथ गेटमैं मृत्यु भएको जसपाका सचिव अहमदले बताए।
    उनले साथीसँगको सहयोगमा आफू पनि रातभरि बिरामीलाई भर्ना गराउन दौडधूप गरेको तर पिसिआर रिपोर्ट नहुँदा कुनै अस्पतालले उपचार पनि नगरेको र भर्ना पनि नगरेको बताए। सबै अस्पतालले गेटबाटै फिर्ता गर्ने, फोनबाटै नआउन भनेको उनले बताए। नारायणी अस्पतालसमेतमा बिरामी भर्ना नगरिएको र कोभिड अस्थायी अस्पताल गण्डकमा जान सुझाव दिएको उनले बताए। कोभिड अस्थायी अस्पताल गण्डकमा डा उदयनारायण सिंहलाई अनुनयविनय गरिएपछि उनले ल्याउन भनेपछि बिरामीलाई लगेको र अस्पतालको गेटमैं युवतीको मृत्यु भएको बताए।
    चार घण्टासम्म बिरामीलाई ईरिक्शामा राखेर अस्पताल घुमाउनुपरेको र अन्त्यमा उपचार गर्ने सङ्केत गरेको गण्डक अस्पताल पुग्नासाथ मृत्यु भएकोमा आफूलFई ठूलो अफसोस लागेको बताए। उनले जिल्ला प्रशासन कार्यालय, पर्साले हालै मात्र निजी अस्पतालहरूलाई बिरामीको उपचार गर्न आइसोलेशन बनाउन र पिसिआर पोजेटिभ भएकाहरूलाई मात्र कोभिड अस्पतालमा रेफर गर्न र त्यसो नगर्नेलाई कारबाई गर्ने निर्णय गरेको भएपनि कुनै पनि निजी र सरकारी अस्पतालले भर्ना नगर्नु र युवतीको उपचार अभावमा ज्यान जानु दुःखद भएको बताए।
    यसअघि जिल्ला प्रशासन कार्यालयले सूचना जारी गरेकै दिन वीरगंज–११ का एकजना पुरुषको उपचार अभावमा मृत्यु भएको थियो। वीरगंजमा अहिले कुनै पनि अस्पतालले पिसिआर परीक्षण रिपोर्टविना बिरामी भर्ना गर्न मानेका छैनन्।
    जिप्रकाले जारी गरेको निर्देशिकालाई उनीहरूले अटेर गर्दै आएका छन्। तर पनि प्रशासनले सूचना प्रकाशन गर्नेबाहेकको जिम्मेवारी निर्वाह गर्न सकेको छैन।

Friday, August 7, 2020

वीरगंजमा १४२ जना सङ्क्रमित थपिए, जिल्ला प्रहरीका ४४ थुनुवामा पनि सङ्क्रमण

वीरगंजमा १४२ जना सङ्क्रमित थपिए, जिल्ला प्रहरीका ४४ थुनुवामा पनि सङ्क्रमण


प्रस, परवानीपुर, २३ साउन/
    वीरगंजमा शुक्रवार १४२ जना सङ्क्रमित थपिएका छन्। कन्ट्याक्ट ट्रेसिङ, मास ट्रेसिङ र निजी खर्चमा पिसिआर चेकजाँच गराएका १४२ जनामा सङ्क्रमण पुष्टि भएको नारायणी प्रयोगशालाले जनाएको छ।
    शुक्रवार जारी गरिएको रिपोर्टमा सबैभन्दा बढी जिल्ला प्रहरी कार्यालय, पर्साको थुनुवामा रहेका ४४ जना सङ्क्रमित छन्। यिनीहरू सबै कन्ट्याक्ट ट्रेसिङमा परेका हुन्। यसैगरी, एक घर– एक व्यक्ति परीक्षणमा वीरगंज–२५ श्रीसिया खल्वाटोलाका २७ जना सङ्क्रमित छन्। एकजना चिकित्सकसहित २७ जना सङ्क्रमित मास ट्रेसिङमा परेका हुन्।
    यसैगरी, नारायणी वयोधा अस्पतालका कन्ट्याक्ट टे«सिङमा पाँचजना चिकित्सक, पाँचजना स्वास्थ्यकर्मी, एकजना सुरक्षागार्ड र चारजना ‘हाउसकीपिङ’ गरी १५ जना सङ्क्रमित छन्।
    यसैगरी, नेपाली सेनाका ११ जना, वीरगंज कारागारका दुईजना कर्मचारी पनि कन्ट्याक्ट ट्रेसिङमा सङ्क्रमित भएका छन्।
    वीरगंज महानगरका प्रमुख विजयकुमार सरावगीको परिवारमा तीनजना सङ्क्रमित थपिएका छन्। उनको ७३ वर्षीय पिता, आमा र एकजना परिवारका सदस्यमा सङ्क्रमण देखिएको छ।
    यसअघि नगरप्रमुख सङ्क्रमित भएर काठमाडौंमा आइसोलेट भएपछि कन्ट्याक्ट टे«सिङमा पत्नी र छोरी सङ्क्रमित भएका थिए। आज आएको रिपोर्टमा नेशनल मेडिकल कलेजका एकजना चिकित्सक पनि सङ्क्रमित भएका छन्।
    यसैगरी, वीरगंज–१० आदर्शनगर र अशोकवाटिकाका ११ जना सङ्क्रमित छन्। आज आएको रिपोर्ट अहिलेसम्मकै सबैभन्दा बढी सङ्ख्या हो। यसअघि तीन दिनअगाडि नारायणी प्रयोगशालाबाट १३३ जना सङ्क्रमित पुष्टि भएका थिए।

Thursday, August 6, 2020

पर्सामा युरिया मलको अभाव यथावत् सबैको मिलेमतोमा मल गायब हुन्छ –किसान

पर्सामा युरिया मलको अभाव यथावत् सबैको मिलेमतोमा मल गायब हुन्छ –किसान

प्रस, सेढवा, २२ साउन/
    पर्सेली किसानहरू अहिले भदैया र अगहनी धानबालीका लागि आवश्यक मलको अभाव झेल्दैछन् । भदैया धानका लागि अन्तिमपटक मल दिनुपर्ने र अगहनी धानको लागि पहिलो गोढमेलमा मलको आवश्यकता रहेको बेला अहिलेसम्म मलको सहज आपूर्ति नहुँदा मल महँगो हुने क्रम रोकिएको छैन ।
    साल्ट टे«डिङ र कृषि सामग्री कम्पनीलाई कुन बेला किसानलाई मल आवश्यक पर्छ भन्ने कुरा राम्ररी थाहा छ । वर्षभरि दुवै कम्पनीको गोदाम मलले टनाटन भरिएको हुन्छ । तर जब किसानलाई आवश्यकता पर्छ, त्यतिखेर दुवै कम्पनीका गोदाम पनि खाली हुन्छन् र तेस्रो मुलुकबाट आयात हुने मल पनि रहस्यमयी तरीकाले बाटैमा रोकिन्छ । मलको अभाव दुई महीनादेखि किसानले झेल्दै आएका छन् । असारको अन्तिम सातासम्म तेस्रो मुलुकबाट आयातित मल आइपुग्ने भनिएपनि तस्करको दबाबमा साउनको तेस्रो सातासम्म मल आयात भएको छैन । दुवै कम्पनीले स्थानीय तहको सिफारिशमा सहकारीहरूलाई प्रत्येक साता मल उपलब्ध गराउने गर्छन् ।
    सहकारीहरूले स्थानीय तह र कम्पनीका कर्मचारीहरूलाई प्रभावमा पारेर नक्कली  कागजपत्रको आधारमा मल उठाउने र गोदाममा सञ्चय गर्ने अनि कृत्रिम अभाव सृजना गरी महँगो मूल्यमा किसानलाई बिक्री गर्ने गर्छन् ।
    अहिले पर्सामा भारतबाट आउने मल पनि महँगो भएको छ । भारतमा भारु ३५० मा ५० किलोको बोरा पाउने गरेकोमा नेपालमा मलको अभाव भएको सूचना पाएसँगै त्यहाँका व्यापारीहरूले पनि मलको दाम बढाएका छन् । किसानहरूले सीमामा नेरु १४०० सम्म तिर्नुपरेको छ । सो भारतीय मल तौलमा केवल ४५ किलो मात्र हुन्छ । सीमाबाट गाउँटोलमा पु¥याउने व्यापारीहरूले अहिले रु १७०० सम्म प्रतिबोरा बिक्री गर्ने गरेका किसानहरूले बताए । उनीहरूले सीमामा गएर ४५ किलोको बोरा रु १४०० तिर्नुपर्ने अनि सशस्त्र र जनपद प्रहरीको अनेक कचकच तथा दुव्र्यवहार सहनुभन्दा तस्करहरूबाट रु १७ सयमा प्रतिबोरा मल खरीद गर्नु बेस हुने प्रतिक्रिया दिएका छन् ।
    जीराभवानी गापा–१ का भोला दास थारू मल आवश्यक भएकोले मोलमा ध्यान नदिएको बताउँछन् । भदैया धानको बालामा गाभा पलाउने समय भएकोले युरिया मल आवश्यक छ । त्यसैगरी, अगहनी धानको गोढमेल सकेपछि युरिया मलको आवश्यकता पर्छ । यस्तो अवस्थामा धानबाली हुर्काउनतिर लाग्ने कि मल महँगो भयो भनेर विस्मात गरी बस्ने, थारूले भने । मल महँगो हुन नदिन स्थानीय तह, सम्बन्धित कम्पनी तथा प्रदेश र सङ्घ सरकारले सोच्नुपर्ने हो, उनको जिकिर थियो ।
    किसानलाई कुन बेला मल आवश्यक पर्छ, सबैलाई थाहा छ तर पनि आवश्यक भएको बेलामा मल पाइँदैन भने यसमा सबैको मिलेमतो नै भएको हो भनी बुझ्नुपर्छ । किसान थारूले मलको समस्या एक वर्ष वा एक बालीको लागि नभएको बताउँदै प्रत्येक वर्ष आवश्यक परेको बेला समस्या हुनु नियोजित भएको आरोप लगाउँछन् ।

Wednesday, August 5, 2020

पर्सा र बारा गरी १३३ जना सङ्क्रमित थपिए, एकजनाको मृत्यु

पर्सा र बारा गरी १३३ जना सङ्क्रमित थपिए, एकजनाको मृत्यु


प्रस, वीरगंज, २१ साउन/
    नारायणी कोभिड प्रयोगशालाले बुधवार जारी गरेको रिपोर्टमा पर्सा र बाराका १३३ जनामा कोरोना सङ्क्रमण पुष्टि भएको छ।
    सो रिपोर्टमा बाराको सिमरा क्वारेन्टाइनमा गरिएको स्वाब नमूना परीक्षणमा १७ जनामा सङ्क्रमण भेटिएको छ भने वीरगंजका विभिन्न स्थानमा गरिएको कन्ट्याक्ट टे«सिङ, मास टे«सिङमा ११६ जनामा सङ्क्रमण पुष्टि भएको छ। नारायणी अस्पतालका मेडिकल सुपरिटेन्डेन्ट डा मदन उपाध्यायले जनाए अनुसार वीरगंज कारागारमा ५ वर्षे एकजना बालक र वीरगंज कारागारका जेलरसमेत २७ जनामा सङ्क्रमण पुष्टि भएको छ।
    यसैगरी, सबैभन्दा बढी त्रिजुद्ध क्वारेन्टाइनमा गरिएको स्वाब नमूना सङ्कलनमा ७६ जनामा सङ्क्रमण भेटिएको छ। सङ्क्रमितहरूमा वीरगंज महानगरपालिकाका प्रमुख प्रशासकीय अधिकृत, दुईजना वडाध्यक्षसहित अधिकांश कर्मचारी छन्। यसैगरी, वीरगंज चिनी कारखानामा गरिएको स्वाब नमूना सङ्कलनमा ८ वर्षीया बालिकासहित पाँचजना सङ्क्रमित भएका छन् भने नेपाली सेनाका तीनजना सङ्क्रमित देखिएका छन्। आज प्रकाशित सङ्क्रमितहरूको सूचीमा २७ जना महिला छन्।
    एकजना १८ वर्षीया युवतीको मृत्युपछि सङ्क्रमण पुष्टि भएको छ।  नेशनल मेडिकल कलेजमा स्वाब सङ्कलन गरिएको ती युवतीको सोमवार निधन भएको थियो। उनी पोखरिया नगरपालिका–९ निवासी भएको बुझिएको छ।
    बाराको सिमरा क्वारेन्टाइनमा १५० जनाको स्वाब नमूना सङ्कलन गरिएकोमा  सङ्क्रमित १७ जना अधिकांश जीतपुरसिमरा उपमहानगरपालिकाका कर्मचारी भएको बुझिएको छ। सङ्क्रमितमा एकजना चिकित्सक र सञ्चारकर्मी पनि छन्।
    नारायणी प्रयोगशालामा कोरोना सङ्क्रमण पुष्टि भएको यो सङ्ख्या अहिलेसम्मकै सबैभन्दा बढी हो। यसअघि ७३ जनासम्म सङ्क्रमित देखिएका थिए।
एकजना सङ्क्रमितको मृत्यु
    नेशनल मेडिकल कलेजका इलेक्ट्रिसियन पदमा कार्यरत ४५ वर्षीय पुरुषको कोरोना सङ्क्रमणको कारण मृत्यु भएको छ।
    वीरगंज हेल्थकेयर कोभिड अस्पतालमा मङ्गलवार राति भर्ना भएका ती व्यक्तिको आज उपचारको क्रममा बिहान मृत्यु भएको डा नीरज सिंहले बताए। अस्पतालका जयमोद ठाकुरले राति ९ बजेतिर सङ्क्रमित आफैं हिंडेर आएको बताए। श्वासप्रश्वासको समस्या भएका ती व्यक्ति हिंडेर आउनुको कारण एम्बुलेन्स सेवा उपलब्ध नहुनु प्रारम्भिक सूचनाबाट थाहा हुन आएको छ। सङ्क्रमितहरूलाई अहिले एम्बुलेन्स सेवा उपलब्ध छैन।
    सङ्क्रमितको अवस्था नाजुक भएपछि उनलाई कोभिड अस्पताल पठाइएको थियो।
    यसअघि उनी कलेजमैं आइसोलेट भएर बसेका थिए। कलेजले ती पुरुष कर्मचारीलाई एम्बुलेन्सबाट नपठाएर हिंड्न बाध्य पारेको परिवारजनले आरोप लगाएका छन्।

Tuesday, August 4, 2020

एम्बुलेन्सको अभावः आफ्नै साधनबाट सङ्क्रमित अस्पताल पुग्दै

एम्बुलेन्सको अभावः आफ्नै साधनबाट सङ्क्रमित अस्पताल पुग्दै


प्रस, वीरगंज, २० साउन/
    पर्सा जिल्लामा साउन महीनाको सुरुआतसँगै बढेको कोरोना सङ्क्रमणले भयावह रूप लिंदैछ। असार महीनाको अन्त्यमा एकजना सङ्क्रमित रहेको यो जिल्लामा त्यसपछिका दिनमा करीब ५ सय सङ्क्रमित बढेका छन्।
    दैनिक करीब पचासको सङ्ख्यामा सङ्क्रमित बढ्ने क्रम जारी छ। सङ्क्रमण बढेसँगै सङ्क्रमितहरूलाई आइसोलेशनमा राख्न समस्या बढेको छ। वीरगंजमा अहिले गण्डक अस्पताल र वीरगंज हेल्थकेयरमा आइसोलेशनको व्यवस्था छ। पचास शय्याको गण्डक अस्पतालमा ६२ जना सङ्क्रमित छन्। सय शय्याभन्दा बढीको वीरगंज हेल्थकेयरमा १५ जना मात्र छन्। एम्बुलेन्स सेवा नहुँदा सङ्क्रमितहरूलाई वीरगंज हेल्थकेयरमा व्यवस्थापन गर्न सकिएको छैन।
    कोभिड अस्पताल गण्डकका सञ्चालक डा नीरज सिंहले जिल्लामा रहेका करीब सयवटा एम्बुलेन्सलाई सङ्क्रमणको भयावह अवस्थामा समुचित व्यवस्थापन नगरिंदा समस्या भएको बताए। उनले नारायणी अस्पतालमा रहेका दुईवटा एम्बुलेन्समध्ये एउटाको चालक सङ्क्रमित भएको र अर्को एम्बुलेन्स चिकित्सक, स्वास्थ्यकर्मीहरूलाई अस्पताल आउनजान प्रयोग भइरहेको बताए। जिल्लाका निजी, सङ्घसंस्था, स्थानीय तहका एम्बुलेन्सले सङ्क्रमितहरूलाई सेवा दिन नचाहेका कारण समस्या उत्पन्न भएको पनि उनले बताए।
    अहिले एम्बुलेन्स अभावको कारण सङ्क्रमितहरू आइसोलेशनसम्म पुग्न सकेका छैनन्। कतिपय सङ्क्रमित आफ्नै सवारीसाधनमा अस्पतालमा पुगेका डा सिंहले बताए। गण्डक अस्पतालमा मात्र तीनवटा चार चक्के निजी सवारीसाधन र मोटरसाइकलहरू छन्। सङ्क्रमित आफैंले चलाएर कोभिड अस्पतालमा पुगेका हुन्।
    कोभिड–१९ सङ्कट व्यवस्थापन समितिले सङ्क्रमितहरूलाई आइसोलेशनसम्म पु–याउन एम्बुलेन्सको समुचित व्यवस्थापन गर्न सकेको छैन। आलोपालो एम्बुलेन्स सेवा सञ्चालन गर्नेतर्फ समितिले अहिलेसम्म पहल नगर्दा समस्या भएको हो।

Monday, August 3, 2020

पाँच महीनामा सबैभन्दा बढी एकै दिन ७३ जना सङ्क्रमित

पाँच महीनामा सबैभन्दा बढी एकै दिन ७३ जना सङ्क्रमित


प्रस, वीरगंज, १९ साउन/
    पर्सा जिल्लामा सोमवार सबैभन्दा बढी ७३ जनामा कोरोना सङ्क्रमण पुष्टि भएको छ।
    कन्ट्याक्ट टे«सिङ, मास टे«सिङ, क्वारेन्टाइन, एक घर–एक व्यक्ति पिसिआर परीक्षण अभियान अन्तर्गत स्वाब नमूना सङ्कलन भएकाहरूको नारायणी प्रयोगशालाले आइतवार बेलुका रिपोर्ट प्रकाशित गर्दा सञ्चारकर्मी, जनप्रतिनिधि, सेना, प्रहरी, सर्वसाधारण गरी ७३ जनामा कोरोना सङ्क्रमण पुष्टि भएको हो। सङ्क्रमित ७३ जनामध्ये ३ जना बाराका, एकजना भारतका र बाँकी पर्सा जिल्लाका छन्। साउन १३ गतेदेखि १७ गतेसम्म सङ्कलित ४९० जनाको स्वाब नमूनाको रिपोर्टमा १२ महिलासहित ६१ जना पुरुषमा सङ्क्रमण पुष्टि भएको हो। सङ्क्रमितहरू १० वर्षीया बालिकादेखि ७७ वर्ष उमेर समूहका छन्। सङ्क्रमित धेरैजनामा कोरोनाको लक्षण देखिएको छ।
    नारायणी अस्थायी कोभिड गण्डक अस्पतालमा ६१ जना सङ्क्रमित आइसोलेशनमा छन्। भर्खरै सङ्घ सरकारको स्वीकृतिमा नारायणी अस्पतालकै व्यवस्थापनमा सञ्चालित वीरगंज हेल्थकेयर कोभिड अस्पतालमा ११ जना सङ्क्रमितलाई राखिएको छ।
    यसैगरी, केही व्यक्तिलाई क्वारेन्टाइनमा राखिएको छ भने करीब दुई सय सङ्क्रमित होम क्वारेन्टाइनमा आइसोलेट छन्। त्रिजुद्ध माविको क्वारेन्टाइनमा १७ जना सङ्क्रमितलाई राखिएको छ। यसैगरी, सिद्धार्थ माविमा २१ जना, बगही स्वास्थ्य केन्द्र पर्सागढीमा ४, होटल विजयज्योतिमा ३, सखुवाप्रसौनीमा २ र पटेर्वा सुगौलीको क्वारेन्टाइनमा ४ जना सङ्क्रमितलाई राखिएको बताइएको छ।
    पछिल्लो चरणमा वीरगंजमा सङ्क्रमितहरू बढ्दै गएपछि आइसोलेशन शøयाको अभाव भएको छ। कोभिड–१९ सङ्कट व्यवस्थापन समितिले सङ्क्रमितमध्ये लक्षणसहित स्वास्थ्य समस्या हुनेहरूलाई मात्र आइसोलेशन र आइसियूमा राख्ने र अन्यलाई भने अन्यत्र राख्ने व्यवस्थापन गर्दै आएको छ। त्यसैले अहिले आइसोलेशनबाहिर करीब दुई सयजना सङ्क्रमित छन्।
    वीरगंज महानगरमा अहिले १४२ जना होम आइसोलेशनमा छन् भने सखुवाप्रसौनी, बहुदरमाई, छिपहरमाई, जगरनाथपुर र पोखरियामा ६ जना होम आइसोलेशनमा छन्।

Sunday, August 2, 2020

४५ जना सङ्क्रमित थपिए, नगरप्रमुखको परिवारका सदस्य पनि सङ्क्रमित

४५ जना सङ्क्रमित थपिए, नगरप्रमुखको परिवारका सदस्य पनि सङ्क्रमित


प्रस, वीरगंज, १८ साउन/
    वीरगंजमा शनिवार राति ४५ जना सङ्क्रमित थपिएका छन्। नारायणी प्रयोगशालामा गरिएको पिसिआर परीक्षण रिपोर्टले १४ महिलासहित ४५ जनामा सङ्क्रमण देखाएको मेडिकल सुपरिटेन्डेन्ट डा मदन उपाध्यायले बताए। हिजो राति आएको पिसिआर परीक्षण रिपोर्टमा नगरप्रमुख विजय सरावगीको परिवारका दुईजना सदस्यमा पनि सङ्क्रमण पुष्टि भएको छ। नगरप्रमुख काठमाडौंमा सङ्क्रमित भएर घरमैं आइसोलेट भएका छन् भने वीरगंजमा उनको परिवारको स्वाब नमूना सङ्कलन गरिएको थियो। यसैगरी, नगरप्रमुखको कन्ट्याक्ट टे«सिङमा परेका वीरगंज–११ का १८ र ४५ तथा वीरगंज–१३ का १९ र ३० वर्षीय पुरुषमा पनि सङ्क्रमण देखिएको छ।
    शनिवार राति भेटिएका ४५ जना सङ्क्रमितमा अधिकांश मास टेस्टिङ, कन्ट्याक्ट टे«सिङ र निजी खर्चमा पिसिआर परीक्षण गराएकाहरू छन्। ४५ जनामा एकजना सखुवाप्रसौनी र एकजना निर्मलबस्तीबाहेक सबै वीरगंजका हुन्। सो रिपोर्टमा सबैभन्दा बढी सङ्क्रमित साउन १२ गते वीरगंज–४ बिर्तास्थित रामकुमार महावीरप्रसाद कन्या माविमा कन्ट्याक्ट टे«सिङमा स्वाब नमूना सङ्कलन गरिएका व्यक्तिहरू परेका छन्। सो ट्रेसिङमा १९ जना सङ्क्रमित भेटिएका हन्। १४९ जनाको स्वाब नमूना सङ्कलन गरिएकोमा ५ वर्षीया बालिकासहित ६० वर्षसम्मका पुरुषहरू गरी १९ जना सङ्क्रमित भेटिएका हुन्।
    यसैगरी, वीरगंज–११, नेरावि मावि श्रीपुरमा गरिएको स्वाब नमूना सङ्कलनमा १० जना सङ्क्रमित पुष्टि भएका छन्। तीनजना महिला र सातजना पुरुष गरी दशजना सङ्क्रमित भएका हुन्। त्यस्तै, म्याग्नेस फर्माका ५ जना कर्मचारीमा पनि कोरोना पुष्टि भएको छ। वीरगंज–८ की ४१ वर्षीया महिला, वीरगंज मनियारीका ३२ वर्षीय पुरुष, वीरगंज–४ भगवतीटोलका ४६ वर्षीय पुरुष र ठोरी गापा–४ निर्मलबस्तीकी २६ वर्षीया महिलासहित ५ जना कामदारमा सङ्क्रमण देखिएको छ। यसैगरी, वीरगंज–३ छपकैया र वीरगंज–११ छपकैयाका दुईजना पुरुषले निजी खर्चमा पिसिआर परीक्षण गराएका थिए। उनीहरूको परीक्षण रिपोर्ट पोजेटिभ आएको जनाइएको छ।

Saturday, August 1, 2020

नारायणी अस्पताल पुनः कोभिड अस्पताल हुँदै, वीरगंज हेल्थकेयरलाई कोभिड बनाउन सम्झौता

नारायणी अस्पताल पुनः कोभिड अस्पताल हुँदै, वीरगंज हेल्थकेयरलाई कोभिड बनाउन सम्झौता

 
प्रस, वीरगंज, १७ साउन/
    स्वास्थ्य तथा जनसङ्ख्या मन्त्रालयले वीरगंजमा समुदायस्तरमा फैलिरहेको कोरोना सङ्क्रमणलाई मध्यनजर गर्दै वीरगंजमा अस्थायी कोभिड गण्डक अस्पतालबाहेक थप दुई अस्पताललाई कोभिड अस्पताल बनाइ सङ्क्रमितको उपचार शुरू गर्न निर्देशन दिएको छ।
    नारायणी अस्तपालका मेडिकल सुपरिटेन्डेन्ट डा मदन उपाध्यायले मन्त्रालयको नारायणीलाई कोभिड अस्पताल बनाउने विषयमा पत्र आइसकेकोले आन्तरिक तयारीमा जुटेको बताए। उनले नारायणी अस्पताललाई पुनः कोभिड अस्पताल बनाउने सरकारको निर्देशन अनुसार तयारी शुरू भइसकेको बताए।
जनशक्तिको अभाव
    नारायणी अस्पतालका साथै वीरगंजमा सञ्चालित गण्डक र अब सञ्चालन हुन लागेको वीरगंज हेल्थकेयरको व्यवस्थापकीय जिम्मेवारी बढेकोले जनशक्ति अभाव देखिएको छ। नारायणी अस्पतालमा कोभिड अस्पताल सञ्चालन गर्नुपर्ने र थप एकसहित दुई निजी कोभिड अस्पतालको व्यवस्थापकीय जिम्मेवारी वहन गर्नुपर्ने हुँदा नारायणी अस्पताललाई जनशक्तिको अभाव भएको हो। मेसु डा उपाध्यायले जनशक्तिमध्ये आधा दर्जन चिकित्सक र स्वास्थ्यकर्मी सङ्क्रमित भइसकेको अवस्थामा सञ्चालनको दायित्व चुनौतीपूर्ण भएको बताए। उनले सङ्क्रमितहरू १४ दिनसम्म आइसोलेट हुनुपर्ने अवस्था भएकोले तीनवटा कोभिड अस्पताल सञ्चालनमा समस्या हुने बताए।
वीरगंज हेल्थकेयरसँग सम्झौता
    निजी अस्पताललाई कोभिड अस्पताल बनाउने सन्दर्भमा शनिवार नारायणी अस्पताल र वीरगंज हेल्थकेयरबीच सम्झौता भएको छ। स्वास्थ्य तथा जनसङ्ख्या मन्त्रालयले वीरगंज हेल्थकेयरलाई सरकारले तोकेको मापदण्ड अनुसार कोभिड अस्पताल बनाउन स्वीकृति प्रदान गरेपछि आज सम्झौता भएको वीरगंज हेल्थकेयरका सञ्चालक डा अबुलेस अन्सारीले बताए। उनले कोभिड–१९ सङ्कट व्यवस्थापन समिति, पर्सा साक्षी रहेर आफू र नारायणी अस्पतालका मेसु डा उपाध्यायले सम्झौतापत्रमा हस्ताक्षर गरेको प्रतीकलाई बताए।
    वीरगंज हेल्थकेयरमा कोभिड अस्पताल सञ्चालन गर्ने अब सम्पूर्ण जिम्मेवारी नारायणी अस्पतालको भएको उनको भनाइ छ।
विकास समितिलाई थाहा छैन

    नारायणी अस्पताल विकास समितिका अध्यक्ष पुरेन्द्रकिशोर लाभले अस्पताललाई कोभिड बनाउने विषयमा आफूलाई जानकारी नभएको बताएका छन्।
    उनले बिहान मेसु डा उपाध्यायसँग कुराकानी भएपनि यसबारे जानकारी नगराएको बताए। विकास समितिलाई जानकारी नगराएर कोभिड अस्पताल सञ्चालन हुन नसक्ने उनले प्रतिक्रिया दिएका छन्।
राजनीतिक दलको विरोध
    यसैबीच, पर्साका राजनीतिक दलका नेताहरूले नारायणी अस्पताललाई पुनः कोभिड अस्पताल बनाउने निर्णयको विरोध गरेका छन्।
    भर्खरै वीरगंज उद्योग वाणिज्य सङ्घमा भएको सर्वपक्षीय बैठकले नारायणी अस्पतालको बन्द सेवा सुचारु गर्न माग गरिएको थियो। नेकपा, नेपाली काङ्ग्रेस, जसपा, नागरिक समूहका अगुवा, उद्योग वाणिज्य सङ्घका प्रतिनिधिसमेतको भेलाले अस्पतालले हालै आकस्मिक सेवाबाहेक सबै सेवा बन्द गरेकोमा अविलम्ब सुचारु गर्न माग गरेको थियो।
    सर्वपक्षीय भेलाको निर्णयविरुद्ध मन्त्रालयले गरेको निर्णयको विरोध भएको छ। नेकपा पर्साका अध्यक्ष प्रभु हजरा, नेपाली काङ्ग्रेस पर्साका अध्यक्ष अजय द्विवेदी र जसपा, पर्साका अध्यक्ष रामनरेश यादवले नारायणीलाई कोभिड अस्पताल बनाउने निर्णयको विरोध गरेका छन्।
अस्पतालको सेवा शुरू गर्न उच्च अदालतको आदेश
    उच्च अदालत जनकपुरको अस्थायी इजलास वीरगंजले शुक्रवार १५ दिनभित्र नारायणी अस्पतालमा बन्द रहेका सेवा शुरू गर्न निर्देशनात्मक आदेश जारी गरेको छ। अधिवक्ता सुधीर कर्णले दायर गरेको रीटमाथि न्यायाधीश डिल्लीराज आचार्यको इजलासले कोभिड सङ्क्रमणबाहेकका अन्य बिमारीको उपचारको व्यवस्था अदालतको आदेश प्राप्त मितिले बढीमा १५ दिनभित्र शुरू गर्न भनिएको छ।

Friday, July 31, 2020

तीनजना चिकित्सक, स्वास्थ्यकर्मी, मजदूरसहित ४६ जना सङ्क्रमित

तीनजना चिकित्सक, स्वास्थ्यकर्मी, मजदूरसहित ४६ जना सङ्क्रमित


राधेश्याम पटेल, वीरगंज, १६ साउन/
    वीरगंजमा ११ महिलासहित ४६ जनामा कोरोना सङ्क्रमण पुष्टि भएको छ। सङ्क्रमितहरू १८ देखि ७५ वर्ष उमेरका छन्। केही सङ्क्रमित बारा र रौतहटका बासिन्दा भए तापनि उनीहरू वीरगंजकै विभिन्न वडामा बसोबास गर्छन्।
    सङ्क्रमितहरूमा नारायणी अस्प्तालका दुईजना अर्थोपेडिक चिकित्सक र एकजना बाहिरका चिकित्सक गरी तीनजना चिकित्सकमा सङ्क्रमण पुष्टि भएको हो। नारायणीका ४० र ४४ वर्षका पुरुष अर्थाेपेडिक चिकित्सक र वीरगंजकै एकजना ३६ वर्षीय चिकित्सक सङ्क्रमित भएका हुन्। त्यसैगरी, नारायणी र एडभान्स अस्पतालका गरी ६ जना स्टाफ नर्स पनि सङ्क्रमित भएका छन्।
    वीरगंजका विभिन्न वडामा गरिएको मास ट्रेसिङमा पनि सर्वसाधारण बासिन्दामा कोरोना सङ्क्रमण पुष्टि भएको नारायणी अस्पतालका मेडिकल सुपरिटेन्डेन्ट डा मदन उपाध्यायले बताए। नारायणीको मेडिकल वार्डमा खट्ने ४० वर्षकी स्टाफ नर्स, आइसियू कक्षमा खट्ने २० र २४ वर्षका स्टाफ नर्समा कोरोना पुष्टि भएको छ भने नारायणी अस्पतालमैं डायलोसिस गराउन आउने पर्सा पोखरिया नपा–१ की ७५ वर्षीया महिला, बारा, निजगढका ६५ वर्षीय पुरुष र बारा जीतपुरका २४ वर्षीया महिला मृगौला रोगीमा पनि कोरोना सङ्क्रमण पुष्टि भएको छ।
    त्यसैगरी, बाराको नितनपुरमा रहेको म्याग्नस फर्मा प्रालिमा कार्यरत तीनजना मजदूर र लोट्स फर्मा वीरगंंज–२ छपकैयाका एकजना गरी चारजना मजदूरमा पनि कोरोना सङ्क्रमण पुष्टि भएको छ। म्याग्नसका मजदूरहरूमा रौतहट, राजपुर नपा–५ घर भएका ३७ वर्षीय पुरुष, पर्सा, बहुदरमाई नपा–४ नगरदाहाका ४४ वर्षीय पुरुष र वीरगंज–१२ मुर्लीकी २६ वर्षीया महिला मजदूरमा कोरोना पुष्टि भएको छ भने लोट्स फर्माका वीरगंज– ५ रेशमकोठी बस्ने ६० वर्षीय पुरुषमा कोरोना सङ्क्रमण पुष्टि भएको छ।
    त्यसैगरी, वीरगंज–१४ का ३० र ६५ वर्षीय पुरुष, वीरगंज–११ का ४१ वर्षीय पुरुषमा कोरोना सङ्क्रमण पुष्टि भएको नारायणी अस्पताल ल्याबले जनाएको छ। त्यस्तै, वीरगंजका अन्य वडाका सङ्क्रमितहरू पनि रहेका छन्।

Thursday, July 30, 2020

नारायणी प्रयोगशालामा आरएन स्ट्रक्चर मेशिन जडान अब पिसिआर रिपोर्ट चाँडै आउँछ

नारायणी प्रयोगशालामा आरएन स्ट्रक्चर मेशिन जडान अब पिसिआर रिपोर्ट चाँडै आउँछ


प्रस, वीरगंज, १५ साउन/
    नारायणी अस्पतालको प्रयोगशालामा दुईवटा पिसिआर मेशिन चालू भएपनि सोबाट आशाप्रदरूपमा समयमा रिपोर्ट नपाएको गुनासो बढ्दै छ।
    नारायणी प्रयोगशालामा रहेको दुईवटा पिसिआर मेशिन बा–ह घण्टा सञ्चालन गर्दा एक हजार मानिसको रिपोर्ट निकाल्न सकिने मेडिकल सुपरिटेन्डेन्ट डा मदन उपाध्यायले बताए पनि अहिले सोअनुरूपको रिपोर्ट आउन सकेको छैन। वीरगंज महानगरपालिकाले एक घर–एक व्यक्ति पिसिआर परीक्ष्Fण अभियान शुरू गर्दा मेसु डा उपाध्यायले नारायणी प्रयोगशालाबाट १२ घण्टामा एक हजार परीक्षण रिपोर्ट तयार हुने जानकारी गराएका थिए।
    अहिले यो अभियान सुस्त गतिमा छ। तर पनि दैनिक तीन सयभन्दा बढी स्वाब नमूना परीक्षण हुन सकेको छैन। हजारको सङ्ख्यामा स्वाब नमूना परीक्षण नहुनुको कारणमध्ये एक जनशक्तिको अभाव हो। लकडाउन शुरू भएर सङ्क्रमित बढेपछि प्रदेश सरकारबाट पिसिआर मेशिन प्राप्त भएको थियो। सो मेशिनको प्रयोग दैनिक तीन सिफ्टमा भयो। तीन सिफ्टमा काम गरेका प्रयोगशालाका कर्मचारीहरूले पाउनुपर्ने सुविधा उपलब्ध नगराइँदा अहिले उनीहरूले दुईवटा पिसिआर मेशिन सञ्चालनमा रहे पनि एक सिफ्ट मात्रै काम गर्दै आएका छन्। जसले गर्दा परीक्षण रिपोर्ट ढिलो आइरहेको छ।
    वीरगंज महानगरपालिकाले पिसिआर मेशिन उपलब्ध गराएपछि अहिलेसम्म एक सिफ्टमा मात्र काम भइरहेको छ। जबकि साउन १ गतेदेखि  वीरगंज क्ष्Fेत्रमा कोरोना सङ्क्रमितको सङ्ख्या बढ्नुका साथै केहीको मृत्यु भएको छ। अहिले चिकित्सक, स्वास्थ्यकर्मी, सेना, प्रहरीसमेतमा कोरोना सङ्क्रमण देखिएको छ। कन्ट्याक्ट टे«सिड्ढो दायरा बढ्दै छ।
    यसैगरी, पछिल्लो चरणमा देखिएको सङ्क्रमण समुदायस्तरमा फैलिएको पाइएको छ। यात्रा विवरण नभएका सङ्क्रमितहरू देखिएपछि समुदायमा सङ्क्रमण फैलिएको र यसको दायरा बढ्दै गएको छ। यो अवस्थामा प्रयोगशालामा कार्यरत १० जना कर्मचारीले एक सिफ्ट मात्रै काम गर्दा रिपोर्ट आउन ढिला भएको हो। अस्पताल प्रशासनको आग्रहमा प्रयोगशालाका कर्मचारीहरूले बुधवारदेखि पुनः दुई सिफ्टमा काम गर्न शुरू गरेका छन्। यसका साथै पिसिआर परीक्ष्Fणमा प्रयोग हुने स्वाब नमूनाका लागि अटोमेटिक आरएन स्ट्रक्चर मेशिनको प्रयोग शुरू भएको छ।
    स्वाब सङ्कलनपछि प्रयोगशालामा सैम्पलिङ गर्ने कार्य मैनुअल हुँदा चार घण्टा समय लाग्थ्यो। बुधवारदेखि अटोमेटिक मेशिन जडान भएपछि एक घण्टामा रिपोर्ट आउन सक्ने बताइएको छ।

Wednesday, July 29, 2020

निषेधाज्ञा जारी गरेर पनि स्वाब सङ्कलन प्रभावकारी नभएपछि नगरप्रमुख सरावगी काठमाडौं गए

निषेधाज्ञा जारी गरेर पनि स्वाब सङ्कलन प्रभावकारी नभएपछि नगरप्रमुख सरावगी काठमाडौं गए


प्रस, वीरगंज, १४ साउन/
    कोभिड–१९ सङ्कट व्यवस्थापन समितिले साउन १० गते शनिवारदेखि निषेधाज्ञा जारी गर्दै पिसिआर परीक्षणको दायरा बढाउने र एक घर–एक व्यक्ति परीक्षण गर्ने निर्णय गरे पनि निषेधाज्ञाको भएको ५ दिन बितिसक्दा पनि पिसिआर परीक्षणले गति लिन सकेको छैन।
    पछिल्लो चरणमा वीरगंजमा कोरोना सङ्क्रमण बढ्नुका साथै चार दिनमा ५ जनाको मृत्यु पनि भइसकेको छ। कोरोना सङ्क्रमण नियन्त्रण गर्नका लागि निषेधाज्ञा लागू गरिएको र यो अवधिमा स्वाब नमूना सङ्कलन गर्ने लक्ष्य थियो। वीरगंज महानगरपालिकाले महानगरमा रहेका ३२ वटै वडाका ४० हजार घरधुरी र अनुमानित १० हजार थप गरी ५० हजार व्यक्तिको स्वाब नमूना सङ्कलन गर्ने लक्ष्य लिएको थियो। तर तीन सातादेखि यो अभियान सफल हुन सकेको छैन।
    निषेधाज्ञा जारी भएपछि आइतवारदेखि महानगरपालिकाले रेलवे माविबाट एक घर–एक व्यक्ति परीक्षण अभियान शुरू गरेको थियो। तर दैनिक १५ सय व्यक्तिको स्वाब नमूना सङ्कलन गर्ने लक्ष्य रहेकोमा मुस्किलले १५० जनाको पनि स्वाब सङ्कलन भएन। महानगरपालिकाले रेलवे माविमा स्वाब सङ्कलन ग–यो भने कोभिड–१९ सङ्कट व्यवस्थापन समितिले माईस्थान मन्दिर अगाडि स्वाब नमूना सङ्कलन गरेको थियो।
    आइतवारपछि दुवैतर्फको अभियान शिथिल भएको छ। महानगरपालिकाले कोभिड–१९ सङ्कट व्यवस्थापन समितिसँगको सहकार्यमा एक घर–एक व्यक्ति परीक्षणको नीति लिए पनि केही राजनीतिक दल, सांसद र प्रशासनिक निकायबीच तालमेल नमिल्दा अहिले यो अभियान शिथिल भएको छ।
    यसअघि पनि लकडाउन, निषेधाज्ञा र सिल गर्दा कोभिड–१९ सङ्कट व्यवस्थापन समितिले कन्ट्याक्ट टे«सिङमा परेकाहरूसमेतको स्वाब नमूना सङ्कलन गर्न सकेको थिएन। त्यतिखेर पर्सा जिल्लामा सङ्क्रमितहरू देखिए पनि लक्षण भएका सङ्क्रमितहरू नदेखिएका कारण एक महीनामा सङ्क्रमित सङ्ख्या न्यून भएको थियो। असार ३२ गतेपछि १५ दिनको अवधिमा पर्सा जिल्ला र खासगरी वीरगंज महानगरपालिकामा कोरोना सङ्क्रमण अचाक्ली बढेको छ। सङ्क्रमितहरूमध्ये आधाभन्दा बढीमा कोरोनाको लक्षण देखिएको छ।
    आइसोलेशनमा सङ्क्रमित राख्ने ठाउँ छैन। दशवटा आइसियूमध्ये ५ वटा भरिएको छ। दैनिक सङ्क्रमित सङ्ख्या बढ्दैछ। अहिले परीक्षण कम गर्नुको कारण सङ्क्रमित सङ्ख्या बढ्ने अनुमान गरेर रोकिएको स्रोतले जनाएको छ। राजनीतिक दलहरूले एक घर–एक व्यक्ति स्वाब नमूना सङ्कलन गर्दा सङ्क्रमितहरू बढ्न सक्ने र उनीहरूको व्यवस्थापन हुन नसक्ने भन्दै समितिलाई परीक्षण नगर्न दबाब दिंदै आएका छन्। यसै कारणले निषेधाज्ञा जारी भएपछि ५ दिनमा कन्ट्याक्ट टे«सिङ र ठाउँ–ठाउँमा थोरै सङ्ख्यामा स्वाब नमूना सङ्कलन गरिएको।
    सङ्कलित स्वाबको रिपोर्ट आउन पनि निकै ढिलो भइरहेको छ। जबकि नारायणी अस्पतालमा भएका दुईवटा पिसिआर मेशिनबाट १२ घण्टामा १ हजार रिपोर्ट तयार हुन सक्ने मेसु डा मदन उपाध्याय बताउँछन्। १२ घण्टामा १ हजार रिपोर्ट तयार हुन सक्ने पिसिआरबाट अहिले दैनिक तीन सय पनि पिसिआर परीक्षण रिपोर्ट सार्वजनिक हुन सकेको छैन। साउन ११ गतेदेखि र त्यसपछिका रिपोर्टहरू पनि अहिले सार्वजनिक हुन सकेको छैन।
    वीरगंज महानगरपालिकाका प्रमुख विजयकुमार सरावगी आफ्नै दलका सांसद, विपक्षी दलका नेता र प्रहरी प्रशासनबाट सहयोगी भूमिका नपाएपछि अहिले काठमाडौं गएर बसेका छन्। एक घर–एक व्यक्ति परीक्षणमा अवरोध गरिएपछि उनी आइतवार नै रेलवे माविमा आयोजित कार्यक्रमपछि काठमाडौं गएका हुन्। नगरप्रमुख सरावगीले परीक्षणको दायरा नबढाइएकोमा चिन्ता व्यक्त गरे। उनले समुदायमा सङ्क्रमण फैलिसकेको अवस्थामा कन्ट्याक्ट टे«सिङमा मात्र अडकिएर बस्नु र परीक्षणको दायरा नबढाउनु जोखिमलाई निम्त्याउनु प्रतिक्रिया दिएका छन्।
    नगरप्रमुख सरावगीले आफू काठमाडौं बसाइको कारण स्वास्थ्य समस्या भएको बताए। अबको दुई साता उनी त्यहीं बस्ने भएका छन्। यसको प्रमुख कारण कोरोना परीक्षणमा समिति र राजनीतिक दलसँग सहकार्य नहुनु नै भएको आशङ्का गरिंदैछ। आइतवारदेखि शुरू भएको कन्ट्याक्ट टे«सिङ र एक घर–एक व्यक्ति परीक्षण सोमवारदेखि बुधवारसम्म नाम मात्रको रह्यो।
    वीरगंज कारागार, वडा समिति कार्यालय बिर्ता, राधेमाई, श्रीसियालगायतका क्षेत्रमा गरिएको कन्ट्याक्ट टे«सिङ र केही व्यक्तिको परीक्षणमैं ३४ जना सङ्क्रमित देखिएका छन्। एक घर–एक व्यक्ति अभियान अन्तर्गत ५० हजारजनाको स्वाब नमूना सङ्कलन गरिएको खण्डमा कति व्यक्ति सङ्क्रमित हुने हुन् आकलन गर्न सकिंदैन।

Tuesday, July 28, 2020

दुई चिकित्सकसहित १५ जना सङ्क्रमित थपिए

दुई चिकित्सकसहित १५ जना सङ्क्रमित थपिए


प्रस, वीरगंज, १३ साउन/
    वीरगंजमा दुईजना चिकित्सकसहित थप १५ जना सङ्क्रमित पुष्टि भएका छन्। नारायणी प्रयोगशालामा साउन ७ देखि ११ गतेसम्म कन्ट्याक्ट टे«सिङ र निजी खर्चमा भएको स्वाब नमूना सङ्कलन रिपोर्टमा गण्डक अस्पतालका एकजना २६ वर्षीय चिकित्सक, नारायणी अस्पतालका ४० वर्षीय चिकित्सकमा कोरोना सङक्रमण पुष्टि भएको छ।
    यसअघि नारायणी अस्पतालमा कार्यरत र सोही अस्पतालबाट सेवानिवृत्त दुईजना चिकित्सकमा कोरोना पुष्टि भएको थियो। उनीहरू अहिले घरमैं आइसोलेट भएका छन्। कोरोनाको लक्षण नदेखिएकाले यसअघिका दुईजना चिकित्सक घरमा आइसोलेट भएका हुन्। हिजो कोरोना पुष्टि भएका दुईजना चिकित्सकमा वीरगंज–११ र वीरगंज–४ का निवासी हुन्।
    यसैगरी, निजी खर्चमा परीक्षण गराएका वीरगंज–७ लोहारपट्टिका दुईजना र वीरगंज–१३ राधेमाईका एकजनामा कोरोना सङ्क्रमण पुष्टि भएको छ। जगदम्बा इन्टरप्राइजेजमा तीनजनामा थप कोरोना पुष्टि भएको छ। उनीहरू कन्ट्याक्ट टे«सिङमा परेका हुन्। जिल्ला प्रहरी कार्यालय, पर्साको थुनुवामा रहेका २३ वर्षीय युवकमा पनि कोरोना सङ्क्रमण पुष्टि भएको छ। कलैया उपमहानगर–५ का ४१ वर्षीय पुरुषमा पनि कोरोना सङ्क्रमण पुष्टि भएको छ। वीरगंज–२३ सबैठवाका २६ वर्षीय पुरुष र ठोरीको क्वारेन्टाइनमा बस्दै आएका ५६ वर्षीय पुरुषमा कोरोना सङ्क्रमण पुष्टि भएको छ।
    नारायणी अस्थायी कोभिड अस्पताल गण्डकमा अहिले १० जना महिलासहित ५७ जनाको आइसोलेशनमा उपचार भइरहेको छ, जसमध्ये चारजना आइसियूमा छन्।
    यसअघि कोरोना सङ्क्रमण पुष्टि भएकामध्ये ४२ जना अहिले आइसोलेशनमा शøया खाली नभएकोले घरमा आइसोलेट भएका छन्।   

Monday, July 27, 2020

 त्रिपक्षीय विवादले स्वाब नमूना सङ्कलनमा ढिलासुस्ती

त्रिपक्षीय विवादले स्वाब नमूना सङ्कलनमा ढिलासुस्ती

प्रस, वीरगंज, १२ साउन/
    वीरगंजमा कोरोना सङ्क्रमणको सङ्ख्या बढ्दै गएपछि निषेधाज्ञा लागू गरेर पिसिआर परीक्षण गर्ने भनिए पनि पिसिआर परीक्षणमा ढिलाइ भइरहेको छ।
    वीरगंज महानगरमा मात्र जिल्ला प्रशासन कार्यालय, पर्साले साउन १० गते शनिवारदेखि अनिश्चितकालको लागि निषेधाज्ञा जारी गरेको छ। यससँगै पिसिआर परीक्षणको दायरा बढाउने निर्णय पनि भएको थियो। कमान्ड बनाएर पिसिआर परीक्षणको दायरा बढाउने निर्णय गरे पनि अहिले वीरगंज महानरपालिका, जिल्ला प्रशासन कार्यालय र नारायणी अस्पालबीच तालमेल नहुँदा पिसिआर परीक्षणमा ढिलासुस्ती भएको छ।
    वीरगंज मनपाले महानगरभरिका चालीस हजार घरपरिवारमा एक घर– एक व्यक्ति परीक्षण अभियान दुई साताअघि घोषणा गरेको थियो। घोषणाअनुरूप कार्य नहुनुमा महानगरपालिका, जिल्ला प्रशासन कार्यालय तथा नारायणी अस्पतालबीच तालमेल मिल्न नसकेकोले हो। कोभिड–१९ सङ्कट व्यवस्थापन समितिको बैठकले कमान्ड बनाएर एक घर–एक व्यक्ति पिसिआर परीक्षण गर्ने निर्णय गरेको थियो। तर साउन ११ गते आइतवारदेखि शुरू गरिएको यो अभियानमा वीरगंज महानगरपालिका एकातर्फ र कोभिड–१९ सङ्कट व्यवस्थापन समिति तथा नारायणी अस्पताल एकातर्फ गरी दुईतिर स्वाब नमूना सङ्कलन भएको थियो।
    वीरगंज महानगरले रेलवे माविमा ११३ जनाको स्वाब नमूना सङ्कलन ग–यो भने कोभिड–१९ सङ्कट व्यवस्थापन समितिले नारायणी अस्पतालको सहकार्यमा माईस्थानमा २१० जनाको स्वाब नमूना सङ्कलन ग–यो। समितिले कन्ट्याक्ट टे«सिङमा परेकाहरूको स्वाब नमूना सङ्कलन गरेको दाबी गरे पनि दुईतिर स्वाब नमूना सङ्कलन गरिएको समाचारले महानगरवासी चिन्तित छन्।
    निषेधाज्ञा जारी गरेर एक घर–एक व्यक्ति परीक्षण गर्ने समितिको निर्णय र महानगरपालिकाको पूर्वघोषित कार्यक्रमविपरीत दुईवटा निकायले दुईतिर स्वाब नमूना सङ्कलन गरेको कारण सोमवार दुवै संस्थाले स्वाब नमूना सङ्कलन कार्यलाई शिथिल पारे। कोरोना सङ्कटको बेलामा सबैबीच सहकार्य हुनुपर्नेमा आपसी द्वन्द्व देखिएको कारण महानगरपालिका, जिप्रका र नारायणी अस्पतालबीच सहकार्यको प्रयास गरिएको छ।
    वीरगंज महानगरका प्रमुख विजयकुमार सरावगीले एउटै कमान्ड बनाएर स्वाब नमूना सङ्कलन गर्ने प्रयास भइरहेको बताए। यसैगरी, वीरगंज महानगरका स्वास्थ्य महाशाखा संयोजक अरुण महतोले सोमवार एउटै कमान्ड बनाउने विषयमा छलफल भएको र सोहीअनुरूप कार्य गर्ने सहमति अनुसार मनपाले आइतवार शुरू गरेको अभियान सोमवार रोकिएको र मङ्गलवारदेखि सबैको सहकार्यमा अगाडि बढ्ने बताए।
    यता, कोभिड–१९ सङ्कट व्यवस्थापन समितिले बिर्ता, वीरगंज–४ वडा कार्यालयमा स्वाब नमूना सङ्कलन गर्ने घोषणा गरेको थियो। कन्ट्याक्ट टे«सिङमा भेटिएका मुख्य सडकका पसले र घरका एकजना सदस्यको स्वाब सङ्कलन गर्ने भनी आइतवार प्रचार गरे पनि सोमवार स्वाब सङ्कलन भएन। वडाध्यक्ष जगत साह कानूले सूचना गरिएको र नारायणी अस्पतालबाट स्वाब नमूना सङ्कलन गर्न स्वास्थ्यकर्मी आउने भनी आश्वासन पाए पनि नआएको बताए।
    कोभिड–१९ सङ्कट व्यवस्थापन समितिको तर्फबाट वडा कार्यालय बिर्तामा गर्ने भनिएको स्वाब नमूना सङ्कलन कार्य सोमवार बन्दी सुधार गृह (वीरगंज कारागार)मा गरिएको थियो। कारागारमा रहेका कर्मचारी, सुरक्षाकर्मी, नाइके गरी पहिलो चरणमा २२ जनाको स्वाब नमूना सङ्कलन गरिएको छ।

Sunday, July 26, 2020

महानगरका दुई ठाउँमा स्वाब नमूना सङ्कलन

महानगरका दुई ठाउँमा स्वाब नमूना सङ्कलन


प्रस, वीरगंज, ११ साउन/
    वीरगंज महानगरपालिका–९ रेलवे माविमा आइतवारदेखि एक घर–एक व्यक्ति पिसिआर परीक्षण शुरू भएको छ। रेलवे माविलाई विसङ्क्रमित गरी दिउँसोदेखि अभियान शुरू भएको थियो।
    आज पहिलो दिन ११३ जनाको स्वाब नमूना सङ्कलन गरिएको नगरप्रमुख विजयकुमार सरावगीले बताए। उनले एक घर–एक व्यक्ति परीक्षण अभियान अन्तर्गत भोलि सोमवारदेखि थप केही वडामा शुरू हुने जानकारी गराएका छन्। निषेधाज्ञा जारी रहुन्जेल यो अभियान पूरा गर्ने लक्ष्यका साथ अगाडि बढेको उनले बताए।
    यसैबीच, कोभिड–१९ सङ्कट व्यवस्थापन समितिले माईस्थानमा कन्ट्याक्ट टे«सिङमा परेकाहरूको स्वाब सङ्कलन गरेको छ। गहवामाई मन्दिरअगाडि २१० जनाको स्वाब नमूना सङ्कलन गरिएको समितिका सदस्य
सचिव जिप्रका, पर्साका सूचना अधिकारी सहायक प्रजिअ ललित बस्नेतले बताए।

Saturday, July 25, 2020

कोरोना सङ्क्रमितको दाहसंस्कारमा समस्या

कोरोना सङ्क्रमितको दाहसंस्कारमा समस्या


प्रस, वीरगंज, १० साउन/
    जलाएर दाहसंस्कार गर्ने क्रममा कुनै समस्या नदेखिए पनि कोरोना सङ्क्रमितलाई गाडेर दाहसंस्कार गर्दा भने समस्या देखिएको छ। वीरगंजमा दुई दिनमा तीनजना सङ्क्रमितको मृत्यु भएको छ। दुईजनालाई जलाएर अन्तिम संस्कार गर्दा सुरक्षाकर्मीहरूलाई कुनै समस्या भएन तर साउन १० गते शनिवार कोरोना सङ्क्रमित मुस्लिम युवतीको दाहसंस्कारमा प्रहरीले समस्या झेल्नुप–यो।
    वीरगंज महानगर–३१ भेडाहा खोला रहेको जङ्गल क्षेत्रमा शव गाड्ने क्रममा स्थानीयले विरोध गरेका थिए। उनीहरूले केहीबेर तनाव सृजना गरे। कोरोना सङ्क्रमणबाट शुक्रवार साँझ बारा जिल्लाको परवानीपुर गाउँपालिका–४  निवासी १७ वर्षीया युवतीको मृत्यु भएको थियो। मुस्लिम धार्मिक परम्परा अनुसार उनलाई गाड्ने क्रममा गाउँलेहरूले कोरोना सङ्क्रमण फैलिने भन्दै विरोध गरेका थिए। सुरक्षाकर्मीहरूले बस्तीदेखि तीन किलोमिटर टाढा र खोलादेखि सय मिटर टाढा मृतक युवतीको शव गाडेका थिए।
    गाडिएको शवबाट सङ्क्रमण फैलिने अथवा पानी दूषित हुने सम्भावना न्यून छ।
    खासगरी सो क्षेत्रका मानिसहरू असार १ गतेदेखि नदीजन्य पदार्थको उत्खनन बन्द गरिएकोमा अवैध उत्खननमा संलग्न थिए। शव गाडिएको ठाउँबाट ट्याक्टर गुड्ने र सो क्षेत्रमा सवारीचालक, कामदारहरू भयले जान नमान्ने भएकोले विरोध गरिएको स्थानीय एकजनाले बताए।

Friday, July 24, 2020

सङ्क्रमित फेला परेपछि अस्पताल र प्रहरी कार्यालय सिल

सङ्क्रमित फेला परेपछि अस्पताल र प्रहरी कार्यालय सिल


प्रस, वीरगंज, ९ साउन/
    वीरगंजमा शुक्रवार ३२ जनामा कोरोना सङ्क्रमण फेला परेको छ। नारायणी अस्पतालको प्रयोगशालामा गरिएको पिसिआर परीक्षणबाट ३२ जना सङ्क्रमित पुष्टि भएको स्वास्थ्य कार्यालय, पर्साका अधिकृत जयमोद ठाकुरले बताए।
    शुक्रवार पुष्टि भएका ३२ जनामध्ये एकजना ९ महीने बालक, ५ जना वडा प्रहरी कार्यालय श्रीपुरको थुनुवामा रहेका भारतीय, १३ जना कन्ट्याक्ट टे«सिङमा परेका, १ जना राष्ट्रिय वाणिज्य बैंक सर्लाही बरहथवा शाखाका प्रबन्धक छन्। यसैगरी, एकजना मारुती फर्माका कर्मचारीलगायत रहेका छन्।
केही अस्पताल सिल
    नारायणी अस्पतालका सर्जिकल, मेडिकल र आइसियू वार्ड सिल गरिएको छ। कोरोना सङ्क्रमण पुष्टि भएपछि सो वार्डमा रहेका बिरामीहरूलाई डिस्चार्ज गरिएको र नयाँ बिरामी भर्ना बन्द गरिएको छ।
    यसैगरी, अलि अर्थो ट्रमा सेन्टर सिल गरिएको छ। सो अस्पतालमा एकजना शङ्कास्पद बिरामीको पिसिआर परीक्षण रिपोर्ट नआउँदै शल्यक्रिया गरिएको र पछि रिपोर्ट पोजेटिभ देखिएपछि अस्पताल सिल गरिएको हो। बिरामीलाई गण्डक अस्पतालको आइसोलेशनमा भर्ना गरिएको छ।
    यसैगरी, एडभान्स मेडिकेयरलाई पनि सिल गरिएको छ। सो अस्पतालबाट लगातार दुईजना बिरामी कोरोना सङ्क्रमित देखिएको र दुवैजनाको मृत्यु भएपछि अस्पताललाई सिल गरिएको हो।
वप्रका श्रीपुर पनि सिल
    वडा प्रहरी कार्यालय, श्रीपुरलाई पनि सिल गरिएको छ। त्यहाँ थुनामा रहेका ५ जनाको रिपोर्ट आज पोजेटिभ आएपछि वप्रका श्रीपुरलाई सिल गरिएको हो। सो प्रहरी कार्यालयमा ५ दिनअघि भारतबाट खुला सीमाको फाइदा उठाउँदै भित्रिएका ५ जनालाई हिरासतमा राखिएको थियो।
    हिरासतमा राखिएका पाँचैजनाको पिसिआर रिपोर्ट आज पोजेटिभ आएको हो। थुनुवामा रहेका पाँचजनामध्ये एकजना उत्तरप्रदेशका ४७ वर्षीय र बाँकी बिहारका २२ देखि २५ वर्षका युवकहरू छन्।

Thursday, July 23, 2020

दुईजना चिकित्सकसहित सत्रजना सङ्क्रमित फेला आधा स्वास्थ्यकर्मी होम क्वारेन्टाइनमा, लकडाउनको सिफारिश

दुईजना चिकित्सकसहित सत्रजना सङ्क्रमित फेला आधा स्वास्थ्यकर्मी होम क्वारेन्टाइनमा, लकडाउनको सिफारिश

प्रस, वीरगंज, ८ साउन/
    वीरगंजमा पहिलोचोटि दुईजना चिकित्सकमा कोरोना सङ्क्रमण पुष्टि भएको छ।    नारायणी अस्पतालमा कार्यरत र वीरगंज हेल्थकेयरमा पार्टटाइममा कार्यरत एकजना सर्जन र नारायणी अस्पतालबाट सेवानिवृत्त अर्का एकजना चिकित्सक गरी दुईजना चिकित्सकलाई कोरोना सङ्क्रमण पुष्टि भएको हो। दुवैजना अहिले नारायणी अस्थायी गण्डक अस्पतालको आइसोलेशनमा भर्ना भएका छन्।
    स्वास्थ्य कार्यालय, पर्साका अधिकृत जयमोद ठाकुरले बिहीवार एकै दिन दुईजना चिकित्सकसहित सत्रजना सङ्क्रमित फेला परेको बताए। फेला परेका सङ्क्रमितमा नारायणी अस्पतालमा कार्यरत सफाइकर्मीका दुईजना छोरी पनि छन्।
    यसैगरी, मारुती फर्मामा कार्यरत झौवागुठीका ३१ वर्षीय पुरुष, वीरगंज–२५ श्रीसियास्थित सुक्खा बन्दरगाहका एकजना ट्रकचालकसहित २९ र २५ वर्षीय पुरुष, नारायणी अस्पतालको आइसियूमा रहेका वीरगंज–११ का पचास वर्षीय पुरुष, श्रीपुर पँचगावाँ निवासी ३९ वर्षीय पुरुष, पटेर्वासुगौली गापा–५ देउरियाका २३ वर्षीय पुरुष र वीरगंज निवासी ८५, २२, २० र ३२ वर्षीया गरी चारजना महिला छन्। आज भएको कोरोना सङ्क्रमणमा कादम्बरी एकेडेमीमा अध्ययनरत १५ वर्षीय विद्यार्थी पनि छन्।
मृतक वृद्ध पनि सङ्क्रमित
    गण्डक कोभिड अस्पतालमा मङ्गलवार मृत्यु भएका वीरगंज–६ माईस्थानका ७० वर्षीय श्यामनारायण वर्णवालमा पनि कोरोना सङ्क्रमण पुष्टि भएको छ।
    सोमवार वर्णवाललाई श्वासप्रश्वासमा समस्या भएपछि एएमसी अस्पताल बिर्तामा भर्ना गरिएको थियो। त्यहाँ कोरोनाको शङ्का गरिएपछि उनलाई गण्डक अस्पताल लगिएको र त्यहीं मङ्गलवार दिउँसो वर्णवालको निधन भएको थियो। मृतक वर्णवालको स्वाब नमूना सङ्कलन गरिएको र सोको नतीजा पोजेटिभ आएको स्वास्थ्य अधिकृत ठाकुरले बताए।
    मृतक ७० वर्षीय वर्णवालमा कोरोना पोजेटिभ देखिएपछि एएमसी अस्पताल दुई दिनको लागि बन्द गरिएको छ। अहिले अस्पताललाई विसङ्क्रमित गरिंदैछ। पुराना भर्ना भएका बिरामीहरूको मात्र उपचार भइरहेको र नयाँ बिरामी दुई दिन नहेर्ने अस्पतालले जनाएको छ।
नारायणी अस्पतालका आधा स्वास्थ्यकर्मी होम क्वारेन्टाइनमा
    नारायणी अस्पतालमा कार्यरत चिकित्सक र सफाइकर्मी तथा तिनका परिवारमा कोरोना पोजेटिभ देखिएपछि अस्पतालका आधा चिकित्सक र स्वास्थ्यकर्मीहरू अहिले होम क्वारेन्टाइनमा बसेका छन्।
    बिहीवार कोरोना सङ्क्रमण देखिएपछि अस्पतालमा आकस्मिक बैठक बसेको र उनीहरूसँग सम्पर्कमा देखिएका र शङ्कास्पद चिकित्सक, स्वास्थ्यकर्मीहरूलाई सात दिने क्वारेन्टाइनमा पठाइएको एकजना चिकित्सकले बताए। केही होम क्वारेन्टाइनमा र केही होटलको क्वारेन्टाइनमा बसेका छन्।
लकडाउनको सिफारिश
    नारायणी अस्पतालका चिकित्सक र सफाइकर्मीमा कोरोना सङ्क्रमण देखिएको र तिनका परिवारमा पनि सङ्क्रमण फैलिएको पुष्टि भएपछि चिकित्सकहरूले जिल्ला प्रशासन कार्यालय र महानगरका प्रमुखलाई एक साताको लागि भएपनि लकडाउन गर्न सिफारिश गरेका छन्। आज चिकित्सकहरूको बैठकले लकडाउन गरेर पिसिआर परीक्षणका लागि स्वाब नमूना सङ्कलन सक्रियतापूर्वक गर्न सुझाव दिएको छ। वीरगंजमा एक सातामा कोरोना सङ्क्रमितहरू एकपछि अर्को देखा पर्न थालेका छन्।
    चैत ११ गतेदेखि लकडाउन भएपछि वीरगंजमा चैत २९ गते पहिलोपटक कोरोना सङ्क्रमित देखिएको थियो। त्यसपछि जेठयता वीरगंजमा कोरोना सङ्क्रमितको सङ्ख्या न्यून रह्यो। साउनको सुरुआतदेखि वीरगंजमा कोरोना सङ्क्रमितहरू बढ्न थालेका हुन्। पहिलो चरणमा देखिएका सङ्क्रमितहरूमा लक्षण देखिएको थिएन। एकाधमा मात्रै लक्षण देखिएको थियो। अहिले फेला परेका सङ्क्रमितमध्ये आधाभन्दा बढीमा लक्षण देखिएको छ।
    यसैगरी, सीमा बन्द भएको, अन्तर्राष्ट्रिय तथा आन्तरिक उडान नभएको र सवारीसाधनहरू पनि जिल्लाबाहिर आवतजावत नभएको अवस्थामा सङ्क्रमितहरू समुदायमा देखा पर्दा चिकित्सकहरूले चिन्ता व्यक्त गरेका छन्। उनीहरूले सीमा सिल गरिए पनि त्यहींबाट लुकीछिपी आउनेहरूबाट सङ्क्रमण सरेको आशङ्का गरेका छन्। लुकीछिपी आउनेहरूबारेमा अहिले गाउँ र शहरमा प्रहरी प्रशासनलाई खबर गर्ने प्रचलन हटेको छ।
    पर्सा जिल्लामा ३८ स्थानमा रहेको १७२० क्षमताको क्वारेन्टाइनमा अहिले केवल १२० जना मात्र छन्। ३८ मध्ये २३ वटा क्वारेन्टाइन खाली छन्।


Wednesday, July 22, 2020

पर्सामा कोरोना समुदायमा देखियो

पर्सामा कोरोना समुदायमा देखियो



प्रस, परवानीपुर, ७ साउन/
    वीरगंजमा कोरोना पोजेटिभको सङ्ख्या फेरि बढ्दैछ। एक साता अघि एकजना मात्र कोरोना पोजेटिभ नारायणी अस्थायी कोभिड गण्डक अस्पतालमा थिए तर अहिले निरन्तर सङ्क्रमित बढ्दै तीसजना पुगेको छ।
    मङ्गलवार राति नारायणी प्रयोगशालामा गरिएको पिसिआर परीक्षणमा नौजना पोजेटिभ देखिएका छन्। पोजेटिभ देखिएकामा जगदम्बा इन्टरप्राइजेजका सिइओसहित तीनजना र अन्य ६ जना छन्। ६ जनाले नारायणी प्रयोगशालामा निजी खर्चमा पिसिआर परीक्षण गराएका हुन् भने तीनजना कन्ट्याक्ट टे«सिङमा परेका हुन्। हिजो रातिको रिपोर्टमा दुईजना बाराका छन् भने सातजना पर्साका छन्।
    नौजना पुरुष पोजेटिभ देखिएको डा उदयनारायण सिंहले बताए। हिजो पुष्टि भएका नौजनामध्ये दुईजना बारा,
परसौनी–४ खुटवा जब्दीका ३० वर्षीय युवक र सिम्रौनगढ नगरपालिका–८ कचोर्वा घर भई हाल वीरगंज–७ रामटोलमा डेरा लिई बस्दै आएका पुरुष छन्। यसैगरी बारा, परवानीपुर गाउँँपालिका–५ मारुती फर्मास्युटिकल्समा कार्यरत २९ वर्षीय, २२ वर्षीय र ५५ वर्षीय मजदूर छन्। २२ वर्षीय युवकको घर बारा, परवानीपुर गापा–५ बहुअरी हो भने ५५ वर्षीय मजदूरको घर पर्साको निचुटा–५ मा पर्छ।
    वीरगंज महानगर–१२ राधेमाईका ३१ वर्षीय युवक, वीरगंज–२१ लिपनीबिर्ता (परवानीपुर)का ३५ वर्षीय युवकमा पनि कोरोना सङ्क्रमण पुष्टि भएको छ। त्यसैगरी वीरगंज–४ बिर्तामा रहेको एडभान्स हस्पिटलमा उपचाररत वीरगंज–५ जेलरोडका ४७ वर्षीय पुरुषमा पनि कोरोना सङ्क्रमण भेटिएको पुष्टि भएको छ। एडभान्स हस्पिटलको क्याबिनमा उनको उपचार भइरहेको थियो।
    वीरगंज–३१ चोर्नी (जीतपुर केराढोका) मा सञ्चालनमा रहेको जगदम्बा इन्टरप्राइजेज प्रालि उद्योगका ५६ वर्षीय प्रमुख कार्यकारी अधिकृत (सिइओ)मा पनि कोरोना पुष्टि भएको नारायणी अस्पतालले जनाएको छ।
    हिजो बेलुकी पुष्टि भएको नौजना सङ्क्रमितमा पनि कोरोनाको लक्षण देखिएको छ। डा सिंहले कोरोनाको लक्षण देखिएपछि उनीहरूमध्ये ६ जनाले अस्पतालमा निजी खर्चमा पिसिआर परीक्षण गराएका थिए। हिजो राति फेला परेका ९ जनामध्ये तीनजना राति नै गण्डक कोभिड अस्पतालको आइसोलेशनमा भर्ना भइसकेका छन् भने बाँकी ६ जनालाई आज भर्ना गरिंदैछ।
    पछिल्लो चरणमा कोरोना सङ्क्रमितहरू समुदायमा देखिएको डा सिंहले बताए। उनले यो सङ्केत राम्रो नभएको बताएका छन्। समुदायमा कोरोना देखिनुले परीक्षणपश्चात् सङ्क्रमितहरूको सङ्ख्या बढ्ने सङ्केत भएको बताए।

फरक समाचार

Find us