Showing posts with label प्रतीक दैनिक. Show all posts
Showing posts with label प्रतीक दैनिक. Show all posts

Tuesday, March 24, 2020

 लकडाउनको असरः पर्सा जिल्ला सुनसान

लकडाउनको असरः पर्सा जिल्ला सुनसान

प्रस, वीरगंज, ११ चैत/
    लकडाउनको असर पर्साको ग्रामीण क्ष्Fेत्रमा पनि परेको छ। पर्सागढी नगरपालिकाबाट हाम्रा संवाददाता नरेश यादवले खाद्यान्न, औषधि पसलबाहेक सबै पसल बन्द रहेको बताए। उनले मानिसहरूको चहलपहल सामान्य अवस्थामा भएको जानकारी गराएका छन्।
    कतिपय लकडाउन गरिएको सूचना थाहा नभएर काममा निस्किएका थिए। उनीहरूलाई जीतपुरबाट प्रहरीले फिर्ता पठाइदिएको थियो। यसैगरी, सरकारी र स्थानीय तहका कार्यालयहरू पनि बन्द रहे। हिजोसम्म हाजिरी गरेर कार्यालयमा बस्दै आएका कर्मचारीहरू आज लकडाउनको सूचना पाएपछि आएनन्।
    सरकार, स्थानीय प्रशासन र वीरगंज महानगरपालिकाले सूचना जारी गर्दा अत्यावश्यक वस्तु दूध, किराना, तरकारीको बिक्री बन्द नगर्ने जनाए पनि प्रहरीले ती सबै पसललाई बन्द गराएको छ। केही ठाउँमा खाद्यान्नको लागि एकाध किरानापसल खुलेपनि अधिकांश किरानापसललाई बन्द गराइएको थियो । टोलको गल्लीगल्लीमा गएर प्रहरीले खाद्यान्न, तरकारी, दूधपसल बन्द गराएको इन्जिनीयर लालबाबूप्रसाद चौरसियाले बताए। उनले पानीटङ्की चोकमा प्रहरीले खाद्यान्नपसलसमेत बन्द गराएको बताएका छन्।
प्रस, पोखरिया/
    पोखरिया नगरपालिका अन्तर्गतका बजारमा पनि लकडाउनको असर रह्यो । हिजो साँझदेखि नगरपालिकामा लकडाउनको सूचना पैmलिएपछि मानिसहरू सचेत भएका थिए। आज बिहान खाद्यान्न, औषधि पसलहरू मात्र खुले। अन्य सबै पसल बन्द रहे। बजारमा मानिसहरूको चहलपहल पनि निकै पातलियो। घरमैं बसेर सबैजनाले कोरोनाविरुद्धको अभियानमा सघाएका छन्। प्रहरीले बजार क्षेत्रलगायतको ठाउँमा निगरानी बढाएको छ।
प्रस, सेढवा/
     लकडाउनको सूचना नपाएर रङ्गपुर, सेढवा, नौकाटोल, सुवर्णपुर, सुपौलीलगायतमा पसलहरू सञ्चालनमा आएका थिए। यी ठाउँका पसलहरूलाई प्रहरीले साढे दश बजेतिर गस्ती गरेर बन्द गरायो। प्रहरीले औषधिबाहेक यी क्षेत्रका सबै पसललाई बन्द गराएको छ । मुख्य बजारहरू बन्द भएपनि गाउँटोलको गल्लीमा रहेका खाद्यान्न पसलहरू भने खुलेका थिए।
    यसैबीच, प्रहरीले भारतको केरलाबाट खुला सीमाको कारण भित्रिएका दुईजनालाई क्वारेन्टाइनमा पठाएको छ। इप्रका सेढवाका प्रसनि अरुण रायले दुईजनालाई स्वास्थ्य परीक्षणको लागि वीरगंज पठाएको बताए । उनीहरू खुला सीमाको कारण जगरनाथपुर गाउँपालिका–१ पिडारीगुठीमा पुगेको र उनीहरूलाई प्रहरी चौकी पिडारीगुठीले नियन्त्रणमा लिएर इप्रकामा बुझाएको थियो।
प्रस, पंचगावाँ/
    बहुदरमाई नगरपालिका, जगरनाथपुर, सखुवाप्रसौनी, पटेर्वासुगौलीलगायतका स्थानका मुख्य चोकहरू सुनसान रहे। पाँचजनाभन्दा बढी मानिसको भीड नगर्न निर्देशन पालना गरिएको कारण यी क्षेत्रका चोकहरू सुनसान रहे। आजदेखि सरकारी, गैरसरकारी, वित्तीय संस्थाहरू बन्द हुँदा गाउँ सुनसान देखिएको थियो।
    ग्रामीण क्षेत्रमा एटिएम सेवा नरहेको र वित्तीय कारोबार गर्ने संस्थाहरू बन्द हुँदा धेरैलाई आर्थिक समस्याले सताएको छ। पटेर्वासुगौलीका कन्हैया यादवले वित्तीय संस्था सात दिनको लागि बन्द हुँदा आर्थिक समस्या पर्ने बताए। उनले पटेर्वासुगौली र पर्सागढीमा रहेको सानिमा बैंक बन्द रहेको बताए। तर सखुवाप्रसौनीमा रहेको नेपाल बैंक, कृषि विकास बैंक भने साढे ११ जनेदेखि सञ्चालनमा आए। बैंकले ग्राहकलाई प्रवेश गराउनुभन्दा पहिले साबुनपानीले हात धुन लगाएर मास्क लगाएपछि मात्र प्रवेश गराएको थियो।

Monday, March 23, 2020

समाचार बन्न नसकेको समाचार

समाचार बन्न नसकेको समाचार

विनोद गुप्ता
    नेपाली काङ्ग्रेस, पर्सा क्षेत्र नं. ३ को आयोजनामा शनिवार फागुन १७ गते आयोजित ‘वर्तमान राजनीतिक परिवेशमा नेपाली काङ्ग्रेसको चुनौती र समाधान’ विषयक अगुवा कार्यकर्ताहरूको छलफल भेला आयोजना भएको थियो । कार्यक्रमको निम्तो प्राप्त गरेपछि आयोजकको नामबाट नै मनमा चिसो पसिसकेको थियो । तथापि कार्यक्रमस्थलमा पुग्दा त्यहाँ जिल्ला सभापतिलगायत देउवा गुट भनेर आपूmलाई चिनाउने समूह पूरै अनुपस्थित रहेको देख्दा मन झन् खल्लो हुन पुगेको थियो । प्रेस दीर्घा खाली नै थियो । पत्रकार बन्धुहरू अन्य दीर्घामा बसेर हो वा निमन्त्रण नपाएर हो भन्न सकिन्न तर आइतवारका धेरै स्थानीय पत्रिकामध्ये प्रतीकमा बहिष्कार र जनभन्डाफोरमा प्रमुख अतिथिलगायतका मन्तव्यहरू छापिएको पाएपछि आपूmलाई मनपर्ने पार्टीको हविगत र हैसियत आकलन गरी तनावमा परेको छु ।
    नेपाली काङ्ग्रेस प्रजातान्त्रिक दल हो । यसभित्र नेतृत्वको आकाङ्क्षी सबै आपूmलाई योग्य ठान्नेहरू पार्टीको प्रत्येक पदको दावा गर्ने अधिकारी हुन्छन् । विश्वका सबैजसो प्रजातान्त्रिक देशको राजनीतिक दलमा गुटहरू छन् तर यस्ता गुट आन्तरिक निर्वाचनमा आआप्mनो उम्मेदवार खडा गर्छन्, दलभित्र र दल सरकारमा आएपछि गर्ने कार्यक्रमहरूको बारेमा कार्यकर्तालाई सुझाइ भोट माग्ने गर्दछन् । तर नेपाली काङ्ग्रेसमा भने अचम्मको राजनीतिक प्रणाली देखिंदैछ र त्यो हो बहिष्कारको । प्रतीक दैनिकमा प्रकाशित समाचारमा एकजना नेताको भनाइ उद्धृत गर्दै पहिलेदेखि छलफल र सहमति नगरी अचानक कार्यक्रम राखिएकोले एक गुटले कार्यक्रममा नजाने घोषणा गरेको हो भनिएको छ भने नवीन सिंहले पार्टीको कार्यक्रम नभएकोले एक समूह नगएको भनाइ छापिएको छ ।
    कार्यक्रममा सहभागी सबै फेरि काङ्ग्रेसकै कार्यकर्ता हुन् भन्ने कुरामा विवाद हुन सक्दैन । तसर्थ पार्टीको कार्यक्रम कसरी आयोजना हुन्छ ? त्यस विधिबारे संसदीय अभ्यास प्रणाली अनुसार विचार गर्दा पार्टीको संस्थापन पक्षबाहेक अन्य कुनै गुट वा समूहले संस्थापन पक्षको पक्ष, विपक्ष वा अन्य कुनै विषयमा कार्यक्रम राख्न खोज्यो भने उसले पार्टी कार्यालयमा त्यससम्बन्धी विवरण जानकारीस्वरूप गराउनुपर्दछ र पार्टी कार्यालयले यस्तो नियम वा व्यवस्था नभएको खण्डमा केन्द्रीय समितिलाई जानकारी गराइ वा नियममा व्यवस्था छ भने सम्बन्धित ठाउँको जिल्ला कार्यसमितिलाई कार्यक्रम आयोजना गर्ने जिम्मेवारी सुम्पिने गरिएको पाइन्छ । तर यस कार्यक्रममा क्षेत्र नं. ३ आयोजक कसरी बन्यो । जिल्लाले क्षेत्र नं. ३ लाई तोक्नु बेग्लै कुरा हो तर जिल्लाको निर्देशन नभई यस्तो कार्यक्रम आयोजना गर्नु र गराउनु दुवै अनुशासनहीनता हो । तर यसको अर्को पक्ष के छ भने संस्थापन इतर समूहले वैधानिकरूपले केन्द्रमार्पmत् जिल्लालाई जानकारी गराउँदा गराउँदै जिल्लाले बहिष्कार गरेको हो भने यो जिल्लाको चरम अनुशासनहीनता हुन आउँछ । एउटा पक्ष अनुपस्थित भएको र त्यस पक्षबाट कुनै प्रेस वक्तव्यसमेत नआएकोले संशय कायमै छ । तर हामी जस्ता शुभेच्छुक कार्यकर्ताको लागि भने बन्चरोले फर्सी काट्नु र फर्सी बन्चरोमाथि खस्नु दुवै अवस्थामा घाइते फर्सी नै हुने जस्तो अवस्था आइपरेको नेताजीहरूलाई अवगत हुनुपर्दछ ।
    वीरगंजको कार्यक्रममा स्वागत मन्तव्य दिंदै पूर्वसांसद रामेश्वर रौनियारले पनि काङ्ग्रेस कार्यकर्ता एवं आमनेपालीले काङ्ग्रेस एक र बलियो भएर हिंडेको देख्न चाहेको मन्तव्य राख्नुभएको थियो । सोही कार्यक्रममा डा रामशरण महतले सभापतित्व गर्नुभएको विभागको गठन नेकाको महाधिवेशनको मिति तय भएपछि गरिएकोले आचारसंहिताविपरीत भएको बताउनुभएको थियो भने वरिष्ठ नेता अर्जुननरसिंह केसीले नेकाको संसद्भित्रको भूमिकाबारे प्रश्न उठाउनुभएको थियो । कार्यक्रमका प्रमुख अतिथि एवं वरिष्ठ नेता रामचन्द्र पौडेलले भने अन्यायमा परेका काङ्ग्रेसीहरूलाई न्याय दिन पछि नपर्ने भन्नुहुँदै यो भेला ऐतिहासिक हुने दाबी गर्नुभयो । सबै वक्ताहरूको मन्तव्यबाट अगुवा भेलामा बहिष्कारको राजनीति कसरी प्रवेश ग¥यो र संस्थापन इतर पक्षले महाधिवेशनमा सफलता प्राप्त गरे पार्टीलाई एक सूत्रमा बाँध्ने कार्यक्रमबारे केही प्रकाश पार्नुभएन । अर्कोतर्पm छापामा आएका समाचारहरूबाट के स्पष्ट छ भने पौडेल पक्षले नाम नदिए पनि देउवा पक्षले एकलौटी ढङ्गबाट विभागहरू गठन गरेको छ । इतरपक्षको भनाइ अनुसार यो आचारसंहिताविपरीत छ । यस घटनाबाट के बुझ्न सकिन्छ भने दुवै पक्ष आआप्mनो वर्चस्व स्थापित गर्न पार्टी एकतालाई तिलाञ्जलि दिंदै कुनैपनि हदसम्म जान तयार छन् । यस अवस्थामा महाधिवेशन त पक्कै हुनेछ र कुनै एउटा पक्षले जीत हासिल गर्नेछ तर पार्टीभित्र एकता र अनुशासन स्थापित हुन सक्नेछैन जसको फलस्वरूप अर्को निर्वाचनमा जीतको लागि मैदान तयार भएर पनि अहिले अर्धचेतमा रहेको काङ्ग्रेस त्यतिबेला अचेत अवस्थामा पुगिसकेको हुनेछ ।
    इतिहासलाई स्मरण गर्दा २००७ सालको क्रान्ति, २०३६ सालको जनमत सङ्ग्रह, २०४६ सालको जनआन्दोलनको नेतृत्व गरेर नेकाले स्थापित गरेको प्रजातन्त्र २०६२ सालदेखि माओवादी जनयुद्धका कारण खतरामा परेर राजा ज्ञानेन्द्रको ‘कु’समेत झेलेर आप्mनै नेतृत्वमा माओवादीसँग १२ बुँदे शान्ति सम्झौता सम्पन्न गराएर सबै नेपालीलाई सन्तोषको साँस फेर्दै मलिनोबाट हँसिलो अनुहार बनाउन सफल नेपाली काङ्ग्रेसको बौद्धिक र राजनीतिक स्तर कति स्खलित भएको छ, वस्तुतः यो अहिले भेन्टिलेटरमा छ ।
    रामचन्द्र पौडेल नेकाका थिङ्क ट्याङ्कमा गनिने व्यक्तित्व हुनुहुन्छ भने शेरबहादुर देउवाको प्रजातन्त्रप्रतिको समर्पणलाई कसैले नकार्न सक्दैन । यस्तो दुई विराट व्यक्तित्वको टकरावलाई सम्हाल्न सक्ने क्षमता नेपाली काङ्ग्रेसको कार्यकर्ताबाहेक कसैसँग छैन । त्यसैले महाधिवेशनको पूर्वसन्ध्यामा यो उठापटकको राजनीतिबाट कसरी निकास दिन सकिन्छ भन्नेबारे सबै कार्यकर्ताले आत्मचिन्तन र गम्भीर आत्मचिन्तन गर्नुपर्ने बेला आएको छ । यसमा हामी चुक्यौं भने वीर गणेशमानजीले राजा वीरेन्द्रलाई सुनाउनुभएको ‘राँड लागे चिच्याउन, बाघ लाग्यो घिच्याउन’ चरितार्थ हुनेछ । तर त्यस बेला नेकपाको नेतृत्वमा नेपालमा अधिनायकवाद स्थापित भइसकेको हुनेछ र आम कार्यकर्ता फेरि एकपटक देश विकासको सट्टा प्रजातन्त्र तेस्रोपटक पुनस्र्थापनाको आन्दोलनमा होमिनुपर्ने अवस्था आउन सक्छ । के यही नेपाली काङ्ग्रेसको नियति हो, प्रारब्ध हो ? होइन भने अब गुट, उपगुट छाडेर युवा पुस्ताले आपैंmले नेतृत्व नसम्हाले यो भवितव्यलाई घट्नबाट रोक्न सकिंदैन । किमार्थ सकिंदैन ११ त्यसैले आगामी महाधिवेशनमा गुट, उपगुटमा नलागी सबैले युवा पुस्ताको सर्वाधिक सक्षम नेतृत्व दिने उम्मेदवारको हातमा काङ्ग्रेसको भविष्य सुम्पिनु नै उपयुक्त हुनेछ ।

Find us