Showing posts with label आर्थिक समाचार. Show all posts
Showing posts with label आर्थिक समाचार. Show all posts

Friday, March 29, 2019

पर्साको स्थानीय तहमा नागरिक वडापत्र छैन

पर्साको स्थानीय तहमा नागरिक वडापत्र छैन

बिन्दुभूषण साह, पकहामैनपुर ,१४ चैत/
    पर्साको अधिकाश स्थानीय तहमा नागरिक वडापत्र नहुँदा सेवाग्रही सूचनाबाट वञ्चित हुने गरेका छन्। वडा र पालिका कार्यालयमा सेवा लिन आउने सेवाग्रहीहरू प्रक्रिया थाहा पाउन सम्बन्धित कर्मचारी खोज्दै विभिन्न फाँटमा चहार्नुपर्ने बाध्यता छ। १४ वटा स्थानीय तह रहेको पर्सामा वीरगंज महानगरपालिकाबाहेक कुनैपनि स्थानीय तहले कार्यालयमा नागरिक वडापत्र राखेको छैन।
    सरकारी कार्यालयबाट प्रवाह हुने सेवाको प्रकार, लाग्ने दस्तुुर तथा लाग्ने समय खुुलेको नागरिक वडापत्र राख्नुु पर्ने व्यवस्था भएपनि स्थानीय तहहरूले कार्यान्वयनमा ल्याएका छैनन्। यसले गर्दा सेवाग्रही र सर्वसाधारण नागरिकले विभिन्न फाँट चहार्दै सम्बन्धित फाँटका कर्मचारीकहाँ पुग्ने गरेका छन्। पर्सा विन्दवासिनी गाउँपालिका–५ का रामप्रवेश साह भन्छन्– कुनैपनि कामको सिफारिश गराउन आउँदा कति दस्तुर र समय लाग्छ भन्ने कुरा नागरिक वडापत्र नहुँदा थाहा पाउन गा¥हो भएको र कर्मचारीले भनेजति रकम दिनुपर्छ । स्थानीय तहमा नागरिक वडापत्र नहुँदा कुुन सेवा लिन कति शुुल्क र समय लाग्छ, कुुन फाँटमा जानुुपर्छ भन्ने थाहा नहुँदा अलमलमा पर्ने गरेको पोखरिया नगरपालिका–६ का सुनील साहले बताए ।        
    साबिक गाउँ विकास समिति हुँदा सबै गाविसमा वडापत्र राखिएको थियो । तर गाउँपालिका बनेपछि सेवा प्रवाहका किसिम, समय र दस्तुुरसमेत फरक परेकोले पुरानो नागरिक वडापत्र हटाइयो तर अध्यावधिक नगर्दा सेवाग्रही समस्यामा परेका हुुन्।
    स्थानीय तहको निर्वाचन भएको डेढ बर्ष बितिसक्दा समेत जनप्रतिनिधिहरूले सुशासन कायम गर्नेतर्फ ध्यान दिन नसकेको बुद्धिजीवीहरूको टिप्पणी छ।
बेलुकीको खाजा ओरहा

बेलुकीको खाजा ओरहा

प्रस, सिम्रौनगढ, १४ चैत/
    फागुन–चैतमा खाजाको रूपमा खाइने ओरहा लोपोन्मुख भएपनि सिम्रौनगढको केही स्थानमा अभैm पनि खाने चलन छ।
    गहुँ, चना, केराउ, खेसारीको झार उखेलेर आगोमा पोलेर तयार गरिने यो खाजा बेलुकी खाने गरिन्छ। प्रायःजसो ताडी र रक्सीमा सितनको रूपमा खाइन्छ । तैपनि सिम्रौनगढका गाउँलेहरूले ओरहा स्वाद मानेर खाने गर्छन्।   
लेंडइ बिरुवाको कारण गहुँबाली सप्रिएन

लेंडइ बिरुवाको कारण गहुँबाली सप्रिएन

प्रस, सेढवा, १४ चैत/
    पर्साका कृषकहरू लेंडइ बिरुवाको कारण चिन्तित छन्। लेंडइ बिरुवाको कारण गहुँबालीमा निकै कमी आएको वडा नं. २ का कृषक धनञ्जय चौधरीले बताए।
    उनले गहुँबालीमा लेंडइले अतिक्रमण गरेपछि उत्पादनमा निकै कमी आएको बताए। गहुँ बालीजस्तै देखिने लेंडइ गहुँसँगै उम्रने हुँदा नियन्त्रण गर्न नसकिने उनले बताए।
    लेंडइका कारण गहुँबाली उत्पादन राम्रो नहुँदा बीउ, खनजोत, रासायनिक मल र सिंचाइमा लागेको खर्च उठाउन गा¥हो भएको जगरनाथपुर गाउँपालिका–३ का कृषक गुलाबप्रसाद यादवले गुनासो गरे। सोही खेतमा अन्य बाली लगाउँदा लेंडइ नउम्रिने तर गहुँ खेतीमा मात्र उम्रिने गरेको उनको भनाइ छ।
    जीराभवानी गापाका कृषि संयोजक शिवचन्द्र ठाकुरले यस सम्बन्धमा कसैले गुनासो नगरेको बताए। उनले लेंडइ जरा, काण्ड तथा बीउबाट उम्रिने बताउँदै वाइड एन्ड वाइड कन्ट्रोल प्रविधिबाट यसको निर्मूलन हुने बताए। गहुँको जर्मिनेशन वा पहिलो सिंचाइको समयमा लेंडइ वा अन्य प्रजातिका बिरुवा नष्ट गर्न औषधि तथा केमिकल प्रयोग गरे यसबाट किसानले छुटकारा पाउने संयोजक ठाकुरले बताए। सो औषधि र केमिकलले गहुँ बोटलाई कुनै नोक्सानी नपुग्ने उनले बताए। 

Thursday, March 28, 2019

सुक्खा बन्दरगाहको राजस्व घट्यो

सुक्खा बन्दरगाहको राजस्व घट्यो

प्रस, परवानीपुर, १३ चैत/
    श्रीसिया सुक्खा बन्दरगाहको पछिल्लो आठ महिनाको राजस्व असुली ओरालो लागेको छ।
    सुक्खा बन्दरगाहले चालू आर्थिक वर्षको आठ महिनाका लागि पाएको लक्ष्यभन्दा झण्डै १८ प्रतिशत कम राजस्व असुली भएको श्रीसिया सुक्खा बन्दरगाहका प्रमुख भन्सार अधिकृत उमेश श्रेष्ठले बताए।
    अधिकृत श्रेष्ठका अनुसार पछिल्लो आठ महिनामा रु ३ अर्ब २४ करोड ५३ लाख ८८ हजार लक्ष्य पाएकोमा ८१.०८ प्रतिशत मात्र सङ्कलन हुन सकेको छ। भन्सार कार्यालयले यस चालू आवको आठ महिनामा रु २ अर्ब ६३ करोड १४ लाख २९ हजारमात्र सङ्कलन गर्न सकेको हो।
    कार्यालयले भन्सार महसुलतर्फ रु. १ अर्ब ४० करोड २४ लाख ३ हजार लक्ष्य पाएकोमा रु १ अर्ब १८ करोड १० लाख २ हजार, मूल्य अभिवृद्धि करतर्फ रु १ अर्ब ३६ करोड ८१ लाख १७ हजार लक्ष्य पाएकोमा रु १ अर्ब २७ करोड १० लाख ६९ हजार तथा अन्तःशुल्कतर्फ रु ४७ करोड ४८ लाख ६८ हजार लक्ष्य पाएकोमा रु १७ करोड ९३ लाख ५८ हजारमात्र सङ्कलन भएको बन्दरगाह भन्सार कार्यालयका सूचना अधिकारी विकास कुमारले जानकारी दिए।
    गत आर्थिक वर्ष २०७४–०७५ को आठ महिनामा तोकिएको लक्ष्यको ९२.७१ प्रतिशत राजस्व सङ्कलन भएको थियो। गत वर्ष साउनदेखि फागुनसम्म श्रीसिया सुक्खा बन्दरगाहले पाएको रु २ अर्ब ५४ करोड ६४ लाख ८४ हजार राजस्व लक्ष्यमध्ये रु २ अर्ब ३६ करोड ९ लाख ४६ हजार राजस्व असुली भएको भन्सार कार्यालयको तथ्याङ्कले देखाउँछ। पोहोर भन्दा यस वर्ष विविध कारणले राजस्व असुली प्रभावित भएको भन्सार कर्मचारीहरूको भनाइ छ।
    गत वर्षको राजस्व लक्ष्यभन्दा चालू आर्थिक वर्षको राजस्व लक्ष्यमा भारी वृद्धि भएको, इसिटिएस जडानलाई लिएर फागुन महिनामा कोलकाता बन्दरगाहका एजेन्टहरूको आन्दोलनलगायत कारणले मालवस्तुको आयात सोचे अनुरूप हुन नसकेकोले र विलासी गाडीलगायत फलामको आयातमा कमी आएकोले राजस्व लक्ष्य पूरा हुन नसकेको हो।

Friday, February 22, 2019

एक वर्षमा एक लाख यात्रुको आगमन

एक वर्षमा एक लाख यात्रुको आगमन

छलीमाया गुरुङ, इलाका प्रहरी कार्यालय, ठोरीका प्रहरी निरीक्षक केदार पन्त, स्थानीय बासिन्दालगायतको सहभागिता थियो।







बपयगतष्थिब२नmबष्।िअयm



प्रस, जीतपुर, ९ फागुन/
    नेपालको राजधानी पु¥याउने सबैभन्दा कम दूरीको काठमाडौं–सिमरा हवाईमार्गबाट गत एक वर्षमा एक लाख यात्रुले सेवा लिएका छन् भने १ लाख किलो सामान ढुवानी भएको सिमरा विमानस्थल कार्यालयले जनाएको छ।
    ११ देखि १३ मिनटको हवाई यात्रापश्चात विमान गन्तव्य स्थानमा विश्राम हुने एयर ट्राफिक कन्ट्रोल टावर सिमराका एटिसी अधिकृतले बताए।
    सन् २०१८ को १२ महीनामा २ हजार ४ सय ८५ सिमरा–काठमाडौं उडान भएकोमा ६० हजार ९ सय ८७ यात्रुहरूले सिमरा आएका थिए भने ६० हजार २ सय ९४ जना यात्रुहरू गएका थिए। गत एक वर्षमा १ लाख २१ हजार २ सय ८१ यात्रुको आगमन भएको छ भने सोही अवधिमा करीब  १ लाख किलो सामान ढुवानी भएको प्राप्त समाचारमा जनाइएको छ।
    अहिले दुईवटा रात्रि र आठवटा दिवा गरी १० वटा साना विमान सेवा सञ्चालनमा छ र ठूला विमान सेवा सञ्चालनको लागि विमान धावन मार्ग विस्तारको तयारी भइरहेको छ। रात्रि सेवाको लागि सम्पूर्ण प्राविधिक यन्त्र जडान भई सञ्चालनमा रहेको सिमरा नागरिक उड्डयन कार्यालयका प्रमुख प्रबन्धक हीराजन काप्mलेले जानकारी दिएका छन् ।
सात महीनामा साढे ९ करोड जरिवाना

सात महीनामा साढे ९ करोड जरिवाना

प्रस, जीतपुर, ९ फागुन/
    प्रदेश ट्राफिक प्रहरी कार्यालय २ नं. प्रदेश, पथलैयाले सात महीनामा डेढ लाख सवारीसाधन र चालकबाट रु साढे ९ करोड जरिवाना गरी राजस्व दाखिला गरेको जनाएको छ।
    साउनदेखि माघसम्म ७ महीनामा ५४२९ ट्रक चालकलाई रु ४ करोड २४ लाख ३० हजार, ९८६७ बसचालकलाई रु ६० लाख ३३ हजार, १६६६७ कार, जीप, भ्यानका चालकलाई रु ९५ लाख ७ हजार, १०१६४ ट्याक्टर चालकलाई रु ५७ लाख ३६ हजार, ४४८७० मोटरसाइकल चालकलाई रु २ करोड ७१ लाख ८३ हजार, ४२५८ टेम्पो, ई–रिक्शा चालकलाई रु २३ लाख २७ हजार  गरी ९ करोड ३२ लाख १८ हजार जरिवाना गरी राजस्व दाखिला गरिएको प्राप्त विवरणमा उल्लेख छ।
    सवारीचालकको दोषबमोजिम रु ५ सयदेखि १५ सयसम्म पटके जरिवाना गर्ने कानूनी व्यवस्था रहेको पथलैयाका प्रवक्ता प्रहरी निरीक्ष्Fक रिपेन्द्र सिंहले बताए।
    विवरणमा उल्लेख भए अनुसार १ हजार मापसे चालकलाई रु १० लाख १२ हजार, छानामा सामान लोड गर्ने ६३ वटा सवारीसाधनलाई रु ४५ हजार, ओभरलोड गर्ने ३८८१० सवारीसाधनबाट रु ३ करोड ७ लाख ५४ हजार, हेलमेट सिटबेल्ट नलगाउने ६६५८ चालकलाई ३४ लाख ४९ हजार, सवारी इजाजतपत्र साथमा नभएका ३६९७४ जनाबाट रु २ करोड २ लाख २२ हजार, लाइसेन्स साथमा नभएका १२९६७ जनालाई १ करोड १० लाख ९८ हजार, बत्तीको अवस्था ठीक नभएका, सवारी परमिट नभएका, तीव्र गतिमा सवारीसाधन चलाउने, क्ष्Fमताभन्दा बढी यात्री बोक्ने, नो पार्किङमा पार्किङ गर्ने सवारीधनीलाई जरिवाना गराइएको छ।


Tuesday, February 19, 2019

पर्सा निकुञ्जमा सफारीले पर्यटक प्रवाहमा वृद्धि

पर्सा निकुञ्जमा सफारीले पर्यटक प्रवाहमा वृद्धि

प्रस, परवानीपुर, ६ फागुन/
    पर्सा वन्यजन्तु आरक्षबाट पर्सा
राष्ट्रिय निकुञ्ज बनेपछि आन्तरिक तथा बाहिरी पर्यटकहरूको सङ्ख्यामा वृद्धि भएको छ। गत वर्षको मन्त्रिपरिषद्को निर्णयले आरक्षलाई निकुञ्जमा परिणत गरेपछि पर्यटकहरूको आवतजावत बढेको हो।
    निकुञ्जका प्रमुख अमीर महर्जनका अनुसार चालू आवको ७ महीनामा पर्सा राष्ट्रिय निकुञ्जमा २१० जना पर्यटकले भ्रमण अवलोकन गरिसकेको बताए। जुन गत वर्षको ७ महीनाको सङ्ख्याभन्दा १५ प्रतिशतले वृद्धि हो।
    निकुञ्जमा पर्यटकको लागि भ्रमण अवलोकन सेवा, निजी क्षेत्रबाट जङ्गल सफारी, सरकारी पक्षले दिंदै आएको हात्ती सफारी, अमलेखगंजमा खुलेको होटल व्यवसायले पर्यटकको सङ्ख्यामा वृद्धि हुँदै गएको निकुञ्ज प्रशासनको भनाइ छ। होटल तथा पर्यटन व्यवसायी सङ्घ वीरगंजका अध्यक्ष हरिबहादुर पन्तका अनुसार प्रदेश २ कै एकमात्र निकुञ्ज भएको र पर्सा राष्ट्रिय निकुञ्जमा सेवा सुविधा वृद्धि हुँदै गएपछि पर्यटकहरू आकर्षित हुन थालेका
छन्।
    उनले सौराहामा पुरानै कुरा देखेपछि कतिपय पर्यटक अमलेखगंजमा हात्ती सफारी गर्न र जीपबाट पनि जङ्गल सफारीको व्यवस्था भएपछि पर्यटकको सङ्ख्यामा वृद्धि भएको बताए। उनले सुवर्णपुरको होमस्टेबाट हात्ती सफारी शुरु भएसँगै केही वर्षमैं पर्सा राष्ट्रिय निकुञ्ज भारतीय तथा विदेशी पाहुनाहरूको लागि गन्तव्य स्थानमा परिणत हुँदै जाने बताए।
    होटल एलिफेन्ट भिलेज रिसोर्ट तथा बारा होटल तथा पर्यटन व्यवसायी सङ्घका अध्यक्ष मोहन शर्माले जीपबाट ४ घण्टाको जङ्गल सफारीले गर्दा आन्तरिक तथा बाह्य पर्यटकको सङ्ख्यामा वृद्धि भएको बताए ।
    निकुञ्जको आधाभार मुख्यालयबाट जीपबाट २८ किलोमिटर टाढा रामभौरीभाठा पुगेर अर्को रूटबाट अमलेखगंज हुँदै फिर्ता ल्याउने गरेको बताए।
    १५ जनासम्म अट्ने जीपको ४ घण्टाको लागि १००० हजार शुल्क तोकिएको छ। जीप सफारी गर्दा पर्सा राष्ट्रिय निकुञ्जमा रैथाने हात्ती, हरिण, मृग, चित्तल, अर्ना, नीलगाई, पाटेबाघ, विभिन्न प्रकारका चराचुरुङ्गी, सर्पलगायत देख्न सकिन्छ । निजगढ विमानस्थल तथा तराई–मधेस द्रुतमार्ग निर्माण र सिमरा विमानस्थलले गर्दा पनि पहिलेभन्दा निकुञ्जप्रति सबैको चासो बढेको छ।
    पहिले ४९९ वर्गकिलोमिटरमा अवस्थित आरक्षमा बाराको निजगढसम्मको १२९ वर्ग किलोमिटर क्षेत्र गाभेर हाल निकुञ्जको क्षेत्रफल ६२८ वर्गकिलोमिटर बनाइएको छ। ९ वटा हात्ती रहेको निकुञ्जले प्रतिव्यक्ति नेपालीलाई ६ सय, सार्क मुलुकका लागि १५ सय र तेस्रो मुलुकका पर्यटकको लागि ४ हजार प्रतिघण्टा लिने गरेको जनाएको छ।
वीरगंज भन्सारको राजस्व घट्यो

वीरगंज भन्सारको राजस्व घट्यो

प्रस, वीरगंज, ६ फागुन/
    नेपालको मुख्य भन्सार कार्यालयको गत माघ महीनामा तीन अर्ब राजस्व घटेको छ। विभिन्न कारणले निर्धारित लक्ष्यभन्दा १२.४१ प्रतिशत कम राजस्व असुली भएको वीरगंज भन्सार कार्यालयले जनाएको छ।
    वीरगंज भन्सारका सूचना अधिकारी मनीष सुमनका अनुसार चालू आर्थिक वर्षको माघमा रु १३ अर्ब ७२ करोड ८४ लाख ६८ हजार लक्ष्य तोकिएकोमा १० अर्ब ६६ करोड ५१ लाख ५४ हजार राजस्व सङ्कलन भएको हो। लक्ष्यभन्दा करीब रु ३ अर्ब कम असुली भएको र यसको असर पछिल्लो ७ महीनाको राजस्व असुलीमा पनि पारेको उनले बताए।
    भन्सारबाट माघ महीनामा विविध कारणले आयात घटेपछि राजस्व सङ्कलन पनि घटेको हो। सूचना अधिकारी सुमनले माघ १४ देखि २४ गतेसम्म कोलकाता बन्दरगाहमा क्लियरिङ एजेन्टहरूको १० दिने हडतालको कारण सामान कम आउनुका साथै बजारमा कम पैसा भएकोले आयातको परिमाण घटिरहेको बताए। उनले लिक्विडिटी क्रन्चको कारण पनि चार पाङ्ग्रे विलासी गाडीहरूमा जीप, भ्यान, कारजस्ता सवारीसाधनको आयातमा कमी आएको बताए।
    पहिले बैंकले २० प्रतिशत डाउनपेमेन्टमा अटोमोबाइलमा ऋण दिने गथ्र्यो भने हालको नयाँ मौद्रिक नीति अनुसार ५५ प्रतिशत डाउनपेमेन्टमा ऋण दिने गर्नाले गाडीको खरीद तथा आयातमा कमी हुन गएको उनको भनाइ थियो। चालू आर्थिक वर्षको ७ महीनामा लक्ष्यभन्दा साढे ४ प्रतिशत अर्थात् रु ४ अर्ब राजस्व कम असुली भएको छ। सबैभन्दा बढी माघको असुलीले असर पारेको हो।

Friday, February 15, 2019

धोबिनी गापामा अनियमित्ता र बेथिती चुलिंदै करोडौ रकम र सवारी साधन फिर्ता भएन

धोबिनी गापामा अनियमित्ता र बेथिती चुलिंदै करोडौ रकम र सवारी साधन फिर्ता भएन

आरके पटेल, ३ फागुन/
    पर्साको धोबिनी गाउँपालिका भ्रष्टाचारको दलदलमा फस्दै गएको छ। यहाँ कार्यरत कर्मचारीहरू गापाको नगदी तथा जिन्सी लिंदै फरार हुने गरेका छन् । तथापि भरपर्दो कारबाई हुन सकेको छैन ।
    स्थानीय सरकार गठनपछिको पहिलो वर्ष आव २०७४/०७५ मा नै सो गापामा व्यापक भ्रष्टाचार भएको भन्दै अख्तियारमा उजुरी परेको थियो। सो आधारमा अख्तियारले छापा मारी ७० हजार नगद घूससहित दुईजना कर्मचारीलाई पक्राउ गरेको थियो। लेखा अधिकृत कृष्णानन्दन यादव र नासु एनामुल हक अन्सारी अख्तियारको फन्दामा परेका थिए। दुईजना कर्मचारी पक्राउ परेपछि प्रमुख कार्यकारी अधिकृत सरोज चौधरी आपूm पनि फस्ने डरले धोबिनीबाट सरुवा गराइ  पटेर्वासुगौली गाउँपालिका पुगेका थिए। “अख्तियारको कारबाईपछि कर्मचारीहरूमा त्रास पैmलिएकोले अब त सुधार होला कि भन्ने आश राखेका थियौं, फेरि पनि अवस्था जस्ताको त्यस्तै रह्यो,” गाउँसभाका एक सदस्यले नाम नछाप्न आग्रह गर्दै भने।
    गत आर्थिक मसान्तको हिसाब अहिलेसम्म कर्मचारीहरूले नबुझाएको गापाका प्रमुख कार्यकारी अधिकृत राजु साहले बताए। “जिम्मेवार कर्मचारीहरूलाई हरहिसाब बुझाउन बारम्बार ताकेता भइरहेको छ। तर पनि कर्मचारीहरू कार्यालयको सम्पर्कमा नै आउँदैनन्,” उनले गुनासो गरे।
     कर्मचारीहरूमाथि गापाको करोडौं रकम बेरुजु छ। कर्मचारी अरबिन्द सिंहले आप्mनो नाममा रहेको १८ लाख रुपैयाँ बेरुजुमध्ये १२ लाख मात्र बुझाएको निमित्त कार्यकारी अधिकृत शिवपूजन साहले बताए। अधिकृत साहका अनुसार गापाको कृषि शाखा प्रमुख राजेश्वर कुशवाहाको नाममा २ करोड रुपैयाँ बेरुजु  छ। कुशवाहाले आप्mनो नाममा रकम निकाली रु २ करोडबराबरको कृषि सामग्री टेन्डर नै ननिकाली पोखरियास्थित आप्mनै भाइको पसलबाट खरीद गरेकोले फछ्र्योट हुन सकेको छैन। नियमविपरीत सामान खरीद गरी नक्कली बील भर्पाइ पेश गरेपछि महालेखापरीक्षणको टोलीले बेरुजु देखाएको हो।
    गापाका निर्वाचित जनप्रतिनिधिहरूबीच पनि विवाद चर्किएको छ। आपसी विवादको कारण कुनै विकास निर्माण कार्य हुन नसकेको स्थानीय नेता रामचन्द्र प्रसादले बताए।
    चालू आर्थिक वर्षको दोस्रो किस्ताको रकम सवारी साधन खरीदमा सिध्याइएको छ। त्यतिमात्र होइन, अख्तियारको कारबाईपछि निलम्बनमा परेका दुईजना कर्मचारी र अर्को एकजना कर्मचारी अरबिन्द सिंहले गापाको तीनवटा मोटरसाइकल अहिलेसम्म फिर्ता गरेका छैनन्। बेथितिलाई तह लगाउन गापाका बासिन्दा जाग्नुपर्ने बेला आइसकेको स्थानीय अगुवाहरूले बताए ।
पानीको चरम अभावले अमलेखगंजमा लगानी गर्न व्यवसायी हच्किए

पानीको चरम अभावले अमलेखगंजमा लगानी गर्न व्यवसायी हच्किए

प्रस, परवानीपुर, ३ फागुन/
    पर्यटकीय सम्भावनाको केन्द्र बन्न थालेको बाराको अमलेखगंजमा पछिल्लोपटक होटल व्यवसायमा लगानी गर्ने लगानीकर्ता हच्कन थालेका छन्। जितपुरसिमरा उपमहानगरपालिका–२१ मा खानेपानीको उचित प्रबन्ध नहुँदा लगानीकर्ताहरू लगानी गर्न डराउन थालेको व्यवसायीहरूले बताएका छन्।
    होटल तथा पर्यटन व्यवसायी सङ्घ बाराका अध्यक्ष मोहनशर्मा लामिछानेका अनुसार हालसम्म अमलेखगंजमा करीब ५० करोड होटल व्यवसायमा लगानी भइसकेको छ, तर पानीको चरम अभावको कारण व्यवसाय सञ्चालन गर्न समस्या भइरहको बताए। उनले होटल व्यवसायको लागि पानी अति आवश्यक पदार्थ हो, यो सहजै उपलब्ध हुने कुरा हो । तर व्यवासायीहरूले खानका लागि बोतलको पानी र अन्यान्य कार्यका लागि खोलाको पानी ट्यांकीमा भरेर जोहो गर्नुपरेको बताए।
    रु ४ करोडको लागतमा एलिफेन्ट भिलेज रिसोर्ट पोहोरदेखि सञ्चालनमा ल्याएका लामिछाने पर्यटक आउने गन्तव्य भए तापनि व्यवसाय चलाउन समस्या भएको बताउँछन्। अमलेखगंज ऐतिहासिक ठाउँ भएकोले भविष्यको अवसर देखेर ‘इच्छा होटल’ले पनि रिसोर्ट बनाउने चर्चा चलेको छ। तर पानीकै समस्याको कारण इच्छा होटल अघि नसरेको उनले बताए। अमलेखगंजमा कल्पवृक्ष होटल, कामिनी रिसोर्ट, पाराडाइज होटल, जर्घा होटल सञ्चालनमा छन् भने एउटा तीन तारे होटल पनि आइरहेको उनले बताए।
    पर्सा राष्ट्रिय निकुञ्जको हात्तीसार, इन्धन डिपो, चुरेको बेसी तथा ऐतिहासिक ‘दासत्वमुक्त’ (अमलेख) ठाउँ पर्यटकीय गन्तव्यको रूपमा विकसित हुन थालेपछि पानीको समस्या समाधान गर्न होटल व्यवसायीहरूले माग गरेका छन्। अमलेखगंजका वडा अध्यक्ष कृष्ण ठकुरीले १३ सय घरधुरी रहेको अमलेखगंजमा शहरी विकास मन्त्रालयबाट पर्यटन क्षेत्र विकासको लागि रु ३० करोड बजेट माग भएको बताए। उनले डिपिआरको लागि मन्त्रालयले विज्ञ खटाउने तयारी गरेको बताए। अमलेखगंजमा हाल पर्सा राष्ट्रिय निकुञ्जको मुहानबाट पाइपबाट पानी ल्याएर खाने गरिन्छ भने पिउनेबाहेक अन्य कार्यको लागि खोलाको पानी प्रयोग हुने गरेको छ।
पुल निर्माण कार्य अवरुद्ध भएपछि अनुगमन

पुल निर्माण कार्य अवरुद्ध भएपछि अनुगमन

प्रस, वीरगंज, २ फागुन/
    हुलाकी सडक आयोजना अन्तर्गत पुल निर्माण कार्य अवरुद्ध भएको भन्दै बिहीवार संसदीय विकास तथा प्राविधिक टोलीले स्थलगत अनुगमन गरेको छ।
    हुलाकी सडक अन्तर्गत पर्साको तिलावे नदी तथा ठोरी गापा–३ ओडार खोलामा देखिएको समस्याको कारण  काम अवरोध भएको भन्दै योजना समयमा सञ्चालन हुन नसक्ने भएपछि समितिको टोलीले आज स्थलगत निरीक्ष्Fण गरेको हो।
    तिलावे पुल निर्माणको क्रममा डाइभर्सनको विषयलाई लिएर अहिले निर्माण कार्य अवरुद्ध भएको छ भने ठोरी–३ को ओडार खोलामा पुल निर्माण भएपनि जग्गा मुआवजाको कारण समस्या आएको पर्साका प्रमुख जिल्ला अधिकारी नारायणप्रसाद भट्टराईले जानकारी दिए। उनले तिलावे पुल निर्माण योजना अनुसार डाइभर्सन बनाउने योजना नै नबनाएको कारण समस्या आएको जानकारी दिए।
    निर्माण कम्पनीले पहिला जग्गा मुआवजाको विषय बनाएर काम रोकेको र अहिले आएर डाइभर्सनको नाममा काम रोकेकोले तत्काल काम शुरु गर्न निर्देशन दिइएको छ। हुलाकी सडक योजनालाई निर्माण कम्पनीले डाइभर्सन बनाइ बिल पेश गरेमा आपूmले भुक्तानी दिने सहमति गराए पनि निर्माण कम्पनीले शुरुमैं नगद मागेपछि काम रोकिएको समितिका अध्यक्ष एवं सांसद कल्याणी खड्काले बताइन्। सो टोलीले आज ठोरी–३ ओडार खोलामा पुगी पुल निर्माणस्थलभन्दा २ सय मिटर टाढा पुल निर्माण गर्नु निर्माण कम्पनीको चरम लापर्बाही भएको ठहर गरेको छ। सडक र पुल जोड्ने बीचको जग्गा अधिग्रहण गर्न सरकारले पहल गर्ने सांसद खड्काले बताइन्। टोलीमा क्षेत्र नं १ का सांसद प्रदीप यादव, नेकपा नेता राजकुमार गुप्ता, सुरक्ष्Fा निकायका प्रतिनिधिलगायतको सहभागिता थियो।
कोलकाता बन्दरगाहले इसिटिएस शुरु गर्दै वर्षको रु ४ अर्ब जोगिने

कोलकाता बन्दरगाहले इसिटिएस शुरु गर्दै वर्षको रु ४ अर्ब जोगिने

प्रस, वीरगंज, २ फागुन/
    तेस्रो मुलुकबाट आयात हुने मालवस्तुको ढुवानी खर्चमा अब रु ४ अर्ब जोगिने भएको छ।
    बिहीवार वीरगंज उद्योग वाणिज्य सङ्घको सभाहलमा आयोजित इसिटिएससम्बन्धी अन्तत्र्रिmया कार्यक्रममा अधिकारीहरूले सो जानकारी दिएका हुन् ।
    फागुन ३ गतेदेखि कोलकाता बन्दरगाहले इलेक्ट्रोनिक कार्गो ट्र्याकिङ सिस्टम (इसिटिएस) लागू गर्ने भएपछि नेपालको ढुवानी खर्च जोगिने भएको हो । वाणिज्य मन्त्रालयका अनुसार भारत भएर जहाज र रेलमार्पmत् आउने मालसामानमा वार्षिक रु ८ अर्ब ढुवानी खर्च हुन्छ। यसै सन्दर्भमा कोलकाता पोर्ट ट्रस्टले यो सेवा शुरु गर्न लागेको वीरगंजमा अन्तत्र्रिmया गर्दै जानकारी गराएको छ।
    सेवा शुरुको पूर्वसन्ध्यामा आयोजित कार्यक्रममा कोलकाता पोर्ट ट्रस्ट अन्तर्गतका कोलकाता र हल्दिया बन्दरगाहका उच्च अधिकारीहरू सेवाका विशेषता र यसले नेपाललाई पार्ने असरबारे जानकारी गराएका थिए। हाल कोलकाता पोर्ट ट्रस्टको कोलकाता र हल्दिया बन्दरगाह तथा विशाखापट्टनम् बन्दरगाहबाट विश्वभरिमा नेपालका लागि आयात–निर्यात हुन्छ।
    दुई वर्षअघि विशाखापट्टनम्बाट आयात–निर्यातको स्वीकृति पाएपछि विगत ६ महीनादेखि विशाखापट्टनम्बाट इसिटिएसको सुविधा उपलब्ध छ। विशाखापट्टनम् बन्दरगाहले यो सुविधा प्रदान गरेसँगै नेपाली आयातकर्ताहरू कोलकाताबाट मालसामान मगाउने क्रम  कम गर्दै गएका थिए। आजको अवस्थामा कोलकाताबाट ६० प्रतिशत र ४० प्रतिशत विशाखापट्टनम्बाट कन्टेनरहरू आउँछन् ।
    नेपाली आयातकर्तालाई रोकिराख्न कोलकोता बन्दरगाहले यो सेवा शुरु गरेको हो। हाल रेलवेको कन्टेनरमा यो सुविधा शुरु गर्ने र डेढ महीनापछि कोलकाताबाट ट्रकमा आउने कन्टेनरमा समेत इसिटिएसको सुविधा जडान गर्ने बताइएको छ। इसिटिएस लागू भएपछि नेपाली आयातकर्ताले क्लियरिङ एजेन्टमार्पmत् ८ वटा कागजपत्रमा २४ ठाउँमा हस्ताक्षर गराउने झन्झट हट्नेछ भने शिपिङ लाइनले वीरगंजसम्म कन्टेनर पु¥याएपछि कन्टेनर बुझाएको समय शुरु हुनेछ। जुन कि पहिले जहाजबाट कोलकाता बन्दरगाहमा कन्टेनर झार्नेबित्तिकै समय शुरु हुन्थ्यो ।
    अर्को फाइदा एजेन्टहरूले हस्ताक्षर गराउनुपर्ने निहुँमा चलखेल गरी सामान्य जाँचपासमा झन्झट र भन्सार प्रक्रियाको नाममा व्यवसायीहरूबाट पैसा असुल्ने काम गर्थे। ती सबैको पनि अन्त्य हुने बताइएको छ। अनलाइन प्रणालीबाट विदेशबाट शिपिङ लाइनले नै ती सामानहरू वीरगंजसम्म ल्याइदिन्छन्।         वीउवासङ्घका अध्यक्ष गोपाल केडियाको सभापतित्वमा भएको कार्यक्रममा सचिवालय सदस्य मनोज उपाध्यायले सहजीकरण गरेका थिए। कार्यक्रममा कोलकाता पोर्ट ट्रस्टका उपाध्यक्ष यश बालाजी, हल्दिया बन्दरगाहका अध्यक्ष सपन साहारोय, कोलकाता बन्दरगाहका ट्राफिक प्रबन्धक हिमांशु शेखर, कन्कर इन्डिया तथा हिमालयन टर्मिनलका कार्यकारी अधिकृत विष्णुकान्त चौधरी, इसिटिएस कम्पनीका उदीप चौधरी, नेपाल उद्योग वाणिज्य महासङ्घ अन्तर्गत स्थल, यातायात तथा पारवहन समिति संयोजक अशोक टेमानीलगायतले सो सुविधाको विषयमा प्रकाश पारेका थिए। 
पर्यटनको क्षेत्रमा वीरगंज पछि परेको छ –वक्ताहरू

पर्यटनको क्षेत्रमा वीरगंज पछि परेको छ –वक्ताहरू

प्रस, वीरगंज, २ फागुन/
    होटल तथा पर्यटन व्यवसायी सङ्घ र पर्यटन पत्रकार सङ्घ, वीरगंजको संयुक्त आयोजनामा सम्मान कार्यक्रम भएको छ।
    कार्यक्रममा वीरगंज उद्योग वाणिज्य सङ्घका अध्यक्ष्F गोपाल केडियासहित नवनिर्वाचित पदाधिकारीहरूको सम्मान गर्नुका साथै वीरगंजको विकासमा राम्रो काम गरेका तीनवटा संस्थालाई पनि सम्मान गरिएको थियो।
    आदर्शनगर ग्रीनसिटी सामुदायिक सेवा केन्द्र, व्यवस्थित वीरगंज र प्रकृति सेवा प्रतिष्ठान नेपाललाई आयोजक संस्थाले सम्मान गरेको थियो। ग्रीनसिटीका जयप्रकाश खेतान, व्यवस्थित वीरगंजका दिलीपराज कार्की, प्रकृति सेवा प्रतिष्ठानका जसपाल सिंहलाई कदरपत्रसहित पूmलमालाले सम्मान गरिएको हो।
    सङ्घका अध्यक्ष हरि पन्तको सभापतित्वमा भएको कार्यक्रममा नेपाली काङ्ग्रेसका पूर्वसभासद् अनिल रूँगटा प्रमुख अतिथि थिए।
    त्यसैगरी, कार्यक्रममा पर्साका प्रमुख जिल्ला अधिकारी नारायणप्रसाद भट्टराई, प्रहरी उपरीक्ष्Fक रेवती ढकाल, सशस्त्र प्रउ प्रेमध्वज शाह, नेपाल पत्रकार महासङ्घ, प्रदेश नं. २ का अध्यक्ष दीपेन्द्र चौहान, पर्सा शाखाका अध्यक्ष्F श्याम बन्जारालगायतको सहभागिता थियो।
    कार्यक्रममा वक्ताहरूले वीरगंज औद्योगिक नगरी भएर पनि पर्यटन क्षेत्रमा निकै पछाडि परेकोले नयाँ खाका र अवधारणा बनाएर वीरगंज आसपासका पर्यटनको विकासको लागि सबैले भूमिका निर्वाह गर्नुपर्ने बताएका थिए।

Thursday, December 8, 2016

कालिकोटका भीमप्रसाद ९ वर्षदेखि वीरगंजमा कैलालीका रुद्रप्रसाद पनि स्वदेशी व्यापारमैं सन्तुष्ट

कालिकोटका भीमप्रसाद ९ वर्षदेखि वीरगंजमा कैलालीका रुद्रप्रसाद पनि स्वदेशी व्यापारमैं सन्तुष्ट

प्रस, निजगढ, २३ मङ्सिर/
    २५ वर्षीय भीमप्रसाद न्यौपाने तराईको वीरगञ्ज झरेको ९ वर्ष भयो । विकट जिल्ला कालिकोट जविथा–३ बाट उनी यहाँ आएका हुन् । उनी कुसन, चकटी, बालिस्टरको व्यापार गर्ने क्रममा वीरगंज बस्र्दै आएका हुन् ।
    आप्mना धेरै साथी रोजगारका लागि कतार, कुवेत, मलेसिया जस्ता मुलुकमा गए पनि आपूm चाहिं नेपालमैंं रही व्यापार गर्दै आएको न्यौपानले बताए । सामान्य व्यापारबाट रामैंगरी रोजीरोटी कमाइरहेको उनले बताए । यस व्यापारबाट महिनाको सालाखाला १५–२० हजार कमाइ हुने उनले बताउँछन् । “विदेश गए पनि दुःख कम हुँदैन । आप्mनो भन्ने कोही हुँदैन । कमाइ पनि झन्डैझन्डै उस्तै हो । त्यसैले लगानी अनुसार कमाइबाट यहीं सन्तुष्ट छु”— उनी बताउँछन् ।
    वीरगंज झर्दाको वर्ष गर्मीले केही दिन अत्यायो । बिरामी पनि परें । त्यसपछि बिस्तारै बानी पर्दै गयो । काठमाडौंबाट समान ल्याई वीरगंज, जीतपुर, सिमरा, पथलैया, अमलेखगंज, निजगढ, चन्द्रनिगाहपुरलगायत बस्ती/बस्ती घुमेर कुसन, चकटी, बालिस्टरको व्यापार गरिरहेको भीमप्रसाद न्यौपान बताउँछन् । एक छोरा र एक छोरीलाई केही वर्ष यतादेखि उनले वीरगैजमैंं राखेर पढाइरहेका छन् । बच्चाबच्चीको रेखदेख पत्नीले गर्छिन् ।
    “खाडी मुलुक विदेशिनुभन्दा यही नैं सन्तुष्ट छु”— न्यौपानेले भने । तराई भए पनि आपूmलाई वीरगंज बसेर व्यापार गर्न खासै समस्या नभएको उनले सुनाए । लामो तराई बन्दमा पनि यही बसेको बताउँदै सारोगारो आपूmगुना हुने उनको भनाइ छ ।
    उनीसँगै विगत ५ वर्षदेखि कैलाली प्रतापपुर–४ का ३९ वर्षीय रुद्रप्रसाद न्यौपाने पनि उही पेशा अँगालेर वीरगंज झरेका हुन् । भीमप्रसाद नाताले काका हुन् भने रुद्रप्रसाद भतिज हुन् । एकजनाले ८ र अर्काले म्याट्रिक अर्थात् एसएलसी पास गरेका छन् ।
    लगानी र पढाइ अनुसार व्यापारबाट नाफा राम्रै रहेको उनीहरू बताउँछन् । घरदैलो घुमन्ते व्यापार आप्mनो पुख्र्यौली पेशा भएको बाजे, बुवाले हिङ, शिलाजीत, पहाडी जडीबुटीको यसरी घरदैलो पुगेर व्यापार गर्ने गरेका थिए । तर् अहिले समय बदलिए अनुसार व्यापार अँगालेको भीमप्रसाद र रुद्रप्रसाद बताउँछन् ।
    रुद्रप्रसादका पनि एकएक छोरा र छोरी छन् । यही पेशाले केटाकेटीहरूको पढाइ र घर खर्च टरेको उनी बताउँछन् । समय र भाग्यले साथ दिए यही व्यापार बढाउने विचारमा छन् उनीहरू ।

Friday, May 17, 2013

पर्सामा सजीवनको व्यावसायिक खेती

पर्सामा सजीवनको व्यावसायिक खेती

राधेश्याम पटेल, परवानीपुर, २ जेठ/
    राजदरबारको बगवानीमा करिब १७ वर्ष बिताएका एकजना नर्सरी विशेषज्ञ कुमार केसीले पर्साको निर्मलवस्ती–७ मालीगाउँ नजिक नेपालमैं पहिलोपटक सजीवनको व्यावसायिक खेती शुरु गरेका छन्।
    गाउँभन्दा पूर्व ओरिया खोलाको बगरमा निर्मलवस्ती माविको करिब २ बिघा जग्गा भाडामा लिएर उक्त खेती शुरु गरिएको हो। अहिले १ सय ६० वटा रूख लगाइएको छ। वर्षको वैशाख र जेठसम्म फल्ने एउटा बोटले करिब २ क्विन्टल उत्पादन दिने किसान कुमार केसीले बताए।
    यसको तरकारी खाँदा ५० वर्षमाथिका व्यक्तिहरूमा यौनेच्छा बढ्ने भएकोले पहाडतिर बढी माग रहेको
उनले बताए।
    काठमाडौं, लाजिम्पाटमा अर्गानिक शोरूममा यसपालि करिब १० क्विन्टल सजीवन बिक्री गरेको बताए। सजीवन यता रु. ५० प्रतिकिलो र काठमाडौंमा रु. १०० प्रतिकिलोको दरले बिक्री हुने गरेको छ। पर्साका किसानहरूले यसतर्फ ध्यान दिए कम श्रम र समयमा बढी सजीवन उत्पादन गर्न सकिने केसी बताउँछन्।

Friday, May 3, 2013

रौतहटमा फल्यो स्याउ

रौतहटमा फल्यो स्याउ

प्रस, गरुडा, १८ वैशाख/
    हिमाल तथा उच्च पहाडी जिल्लामा फल्ने स्याउ दक्षिणी तराइमा पनि फल्छ भन्दा पत्यार नलाग्न सक्छ तर रौतहटको गरुडामा स्याउ फलेको छ।
    चार वर्षअघि लगाइएको स्याउको बेर्ना राम्ररी झागिंदै लटरम्मै फल्ने चिचिला लागेको छ। चिचिलै भएपनि साना बालबालिकाहरू भने टिपेर खान थालेका छन्। तुलसीलाल स्मृति प्रतिष्ठान रौतहटको कार्यालय प्राङगण सार्वजनिक स्थानमा रहेको स्याउको बोटमा अहिले दुई सयभन्दा बढी चिचिला लागेको छ । यसले तराईमा व्यावसायिक स्याउखेतीको सम्भावना बढाएको छ।

Friday, April 19, 2013

पथलैयामा करोडौंको सम्पत्ति अलपत्र

पथलैयामा करोडौंको सम्पत्ति अलपत्र

प्रस, जीतपुर, ५ वैशाख/
    नेपाल सरकारको नीतिले गर्दा करोडौं मूल्यको सम्पत्ति अलपत्र परेको छ। चोरी पैठारी तथा कागजपत्र नभएका सवारीसाधनहरू बरामद गरी लिलाम बिक्रीको लागि मध्यमाञ्चल राजस्व अनुसन्धान कार्यालय पथलैयाको नियन्त्रणमा छ। तर, भण्डारणको उचित व्यवस्थाको अभावमा सयौं सवारीसाधनहरू जीप, कार, ट्रक, मोटरसाइकलहरू पथलैयास्थित राजस्व अनुसन्धान कार्यालय, मध्यक्षेत्रीय ट्राफिक प्रहरी कार्यालय, मध्यक्षेत्रीय सशस्त्र प्रहरी मुख्यालय रुद्रबाहिनी, पथलैया राजस्व अनुसन्धान चेकपोस्टको हाताभित्र खुल्ला आकाशमुनि अलपत्र अवस्थामा रहेको छ।
    मध्यमाञ्चल राजस्व अनुसन्धान कार्यालय पथलैयाका प्रमुख अनुसन्धान अधिकृत सूर्यप्रसाद सेढाईंका अनुसार भण्डारण भवनको लागि चालू आर्थिक वर्षको शुरूमा जग्गाको व्यवस्था गरियो तर भवन निर्माणको बजेट निकासा नभएकोले ती सवारीसाधनहरू खुल्ला आकाशमुनि राख्न बाध्य छौं। कानुनी प्रक्रियाका कारण लिलाम बिक्रीमा केही ढिलाइ भएको छ प्रमुख सेढाईंले बताए । प्राकृतिक प्रकोपले ती सवारीसाधनहरूमा केही क्षति भएको होला तर मानवीय कारणले क्षति नभएको प्रमुख अनुसन्धान अधिकृत सेढाईंले प्रतीकलाई बताए।
    बरामद गरिएका सवारीसाधनहरूको मूल्य निर्धारण गरी कानुनी प्रक्रियाबमोजिम लिलाम बिक्री गर्ने व्यवस्था छ। लिलाम बिक्री गर्न प्रमुख अनुसन्धान अधिकृतको संयोजकत्वमा ५ सदस्यीय मूल्याङकन समिति गठन गरिन्छ । टोलीका सदस्यहरूमा यातायात व्यवस्था कार्यालयका इन्जिनियर एकजना, कोष तथा लेखा नियन्त्रण कार्यालयका प्रमुख एकजना, उद्योग वाणिज्य सङ्घका प्रतिनिधि एकजना र जिल्ला प्रशासन कार्यालयका प्रतिनिधि एकजना रहने व्यवस्था छ। समितिले गरेको मूल्याङकनबमोजिम सवारीसाधनहरूको डाँक बढाबढमा लिलाम बिक्री गरिन्छ ।
    विगत वर्षमा के, कस्तो भयो थाहा भएन तर यता बरामद गरिएका सवारीसाधनहरूमध्ये चालू हालतका सवारीसाधनहरूलाई चालू हालतकै मूल्यमा लिलाम बिक्री गरिएको छ भने इन्जिन तथा अन्य पार्टपुर्जा नभएका वा चालू हालतमा नरहेका सवारीसाधनहरूलाई कबाडको मूल्यमा लिलाम बिक्री गरिएको सबै सामु प्रस्ट भएको प्रमुख अनुसन्धान अधिकृत सेढाईंले बताए प्रतीक संवाददातालाई बताए।
    विगत वर्षमा चोरी–पैठारीका महँगो तथा विलासी सवारीसाधनहरूको पार्टपुर्जा झिकेर सो सवारीसाधनलाई सुराकीमार्फत् बरामद गरी कम मूल्यमा लिलाम बिक्री सकार गरी पुन: पार्टपुर्जा जडान गरेर यस भेगका केही व्यक्तिहरू लाभान्वित भएका छन् तर अहिले त्यस्तो कार्य नियन्त्रणमा आएको प्रमुख सेढाईले बताए।

Friday, September 28, 2012

वीरगंज भन्सार तथा पथलैया राजस्वमा करोडौंको सवारी साधन अलपत्र

वीरगंज भन्सार तथा पथलैया राजस्वमा करोडौंको सवारी साधन अलपत्र

प्रस, जीतपुर, ११ असोज/
     वीरगंज भन्सार कार्यालय तथा मध्यमाञ्चल राजस्व अनुसन्धान कार्यालय पथलैया परिसरमा करोडौं मूल्य बराबरको सयौं थान सवारी साधनहरू अलपत्र परेका छन्।
    विभिन्न मितिमा सुरक्षाकर्मीले पक्राउ गरेर बुझाएका महँगो मूल्य पर्ने कार, जिप, एस्कारपियो, सुमो, मोटरसाइकललगायत सवारी साधनहरू  खुला आकाशमुनि अलपत्र परेका छन्।
    सरकारी सवारी साधन तथा सम्पत्ति लिलाम बिक्रीका लागि  मूल्य निर्धारण गर्न जिल्ला, क्षेत्रीय, राष्ट्रिय स्तरमा मूल्याङकन समिति गठन गर्नुपर्ने सरकारी नीति छ। सो नीति बमोजिम लिलाम बिक्रीकर्ता, सरकारी कार्यालयका प्रमुखको संमयोजकत्वमा लिलाम गर्ने सम्पत्ति सम्बन्धी विषेशज्ञ एकजना, उद्योग वाणिज्य सङ्घका प्रतिनिधि एकजना, कोष तथा लेखा नियन्त्रण कार्यालयका प्रतिनिधि एकजना र जिल्ला प्रशासन कार्यालयका प्रतिनिधि वा सो कार्यालयले तोकेको सरकारी प्रतिनिधि एकजना गरी ५ सदस्यीय मूल्याङकन समिति गठन गरिन्छ। उक्त समितिले मूल्याङकन गरे बमोजिम सरकारी सवारी, साधन, सम्पत्तिको लिलाम बिक्री गर्ने व्यवस्था रहेको मध्यमाञ्चल पथलैया कार्यालयले जनाएको छ।
    मूल्याङकन समितिका पदाधिकारीहरूको कमी कमजोरी तथा मिलोमतोमा सरकारी सवारी साधनहरूको मूल्याङकन कुनैमा बढी त कुनैमा कम र केहीमा न्यायोचित गरिएको खरिदकर्ताहरूको गुनासो छ, भने न्यायोचित मूल्याङकनको कमीले गर्दा  सरकारी सम्पत्तिको लिलाम बिक्रीमा ढिलाइ हुनुका साथै पटक–पटक मूल्य निर्धारण गरी पटक–पटक लिलाम बिक्रीको लागि पत्रिकामा सार्वजनिक सूचना प्रकाशित गरेर आर्थिक भार बेहोर्न सरकारी कार्यालयहरू बाध्य छन् भने संरक्षण र सुरक्षाको कमीले गर्दा घाम, पानी, हावा, हुरी तथा ढुसी, खिया, जाम तथा पार्ट पुर्जाको चोरीले सरकारी सम्पत्तिको अवमूल्यन तथा नाश भएको छ। तसर्थ यी करोडौं मूल्यका सवारी साधनहरूको न्यायोचित मूल्याङकन गर्ने काममा समिति सजग र संवेदनशील हुन जरुरी भएको गैरसरकारी संस्था मानव अधिकार तथा नागरिक सरोकार प्रतिष्ठानका प्रमुख शिवकुमार शर्माले एक भेटमा प्रतीकलाई बताए।
    कागजपत्र नभएका तथा नक्कली कागजपत्र र नक्कली नम्बर प्लेट भएका सवारी साधनहरू पक्राउ गरी लिलाम बिक्रीका लागि वीरगंज भन्सार कार्यालय र मध्यमाञ्चल राजस्व अनुसन्धान कार्यालय, पथलैया परिसरभित्र सयौं सवारी साधन खुला आकाशमुनि अलपत्र राखिएको स्थानीय सञ्चारकर्मी भूषण यादव र दिवाकार भण्डारीले समाचारमा जनाएका छन्।
    मध्यमाञ्चल राजस्व अनुसन्धान कार्यालय, पथलैयाका अनुसन्धान तथा सूचना अधिकृत सूर्यबहादुर कुँवरका अनुसार विगत वर्षमा यस कार्यालयबाट लिलाम बिक्री हुने मालसामान तथा सवारी साधनको लिलाम टेन्डर फारम खरिद र दिने यही एक ठाउँ मात्र थियो जसले गर्दा केही हुल्याहाहरूको क्रियाकपालले लिलाम मूल्यमा कमी आएको हो र गाडीको पार्टपुर्जा खोलेर बेवारिसे बनाई यस कार्यालयमा बुझाइन्थ्यो र पछि कम मूल्यमा लिलाम बिक्री हुँदा पार्टपुर्जा खोल्ने व्यक्तिले नै सो सवारी कम मूल्यमा सकार गरी पार्टपुर्जा जडान गरेर महँगोमा बेच्ने वा चढेर रमाउने गरेका थिए। तर आव २०६८–०६९ देखि यस कार्यालय, मध्य क्षेत्रीय सशस्त्र प्रहरी बल मुख्यालय रुद्रवाहिनी पथलैया, आन्तरिक राजस्व कार्यालय सिमरा, जिल्ला प्रशासन कार्यालय बारा, कलैयासहित ५ स्थानमा टेन्डर फारम खरिद तथा दर्ता गर्ने व्यवस्था गरिएको छ भने पार्टपुर्जा नभएको सवारी साधनलाई पत्रु (कबाड) मूल्यमा लिलाम बिक्री गर्ने व्यवस्था गरिएको छ, जसले गर्दा अघिलो आव २०६७–०६८ भन्दा करिब दोब्बर अर्थात् गत आव २०६८–०६९ मा रु. १५ करोड ८८ लाख ३९ हजार २ सय ६० राजस्व असुली भएको अनुसन्धान तथा सूचना अधिकृत कुँवरले बताए।
    राजस्व चुहावट नियन्त्रणको लागि गत वर्ष ७० वटा भन्सार बिन्दुबाट छुटेका सवारी तथा ढुवानी साधनको चेकजाँच, ४ सय २३ वटा आन्तरिक मालसामान ओसारपसार गर्ने सवारी साधनहरूको चेकजाँच, १३ वटा निकासी ढुवानी साधनको चेकजाँच, ४० वटा गोदाम तथा करोबार स्थलको चेकजाँच सहित २४ पटक राजमार्ग, ८ पटक सीमा क्षेत्र र २० पटक बजार अनुगमन तथा ११ पटक आकस्मिक गस्ती सञ्चालन गरिएको छ, जसले गर्दा राजस्व चुहावट गरेको मुद्दामा वीरगंज, हेटौडा, जनकपुरका १० जना बियर, किराना, विविध मालसामान, मदिरा, सप्लाई, मार्बल, निर्माण व्यवसायी तथा उत्पादकहरूलाई रु. ५ करोड १० लाख २ हजार ३ सय ८६ जरिवाना गरिएको पथलैया राजस्व अनुसन्धान कार्यालयका एक अधिकृतले बताए।
    नेपाल सरकारको नीति निर्देशन तथा ऐन नियम बमोजिम स्थानीय तथा सरोकारवाला प्रहरी, प्रशासन, व्यवसायी तथा जनप्रतिनिधि, सञ्चारकर्मीको सहयोगमा कामकारबाई भइरहेको छ। कार्यालय भवन अपर्याप्त तथा पुरानो र अव्यवस्थित भएकोले सवारी साधनसहित कहिलेकाहीं मालसामानसमेत खुला आकाशमुनि राख्नुपर्ने बाध्यता छ र लिलाम बिक्रीको कानुनी प्रक्रिया पूरा गर्न पनि करिब ३ महिना लाग्छ र पर्याप्त भवन निमार्णको लागि आव २०६८–०६९ मा अर्थ मन्त्रालय र राजस्व अनुसन्धान विभागको सहयोगमा पथलैया राजस्व चेकपोस्ट नजिक सडकको पूर्वपट्टि र मध्यक्षेत्रीय ट्राफिक प्रहरी कार्यालय पथलैयाको उत्तरी छेउमा पर्ने राष्ट्रिय वनको ९ कठ्ठा ७ धुर २ कनवा जग्गा प्राप्त भएको छ। चालू आव २०६९–०७० मा कार्यालय भवन, आवास भवन, सेड घर, पर्खाल निर्माण गर्नुपर्ने हो तर मुलुकको आंशिक (कामचलाउ) बजेटले पर्याप्त बजेट निकासा भएन र निर्माण काम अहिलेसम्म अवरुद्ध भएको मध्यमाञ्चल राजस्व अनुसन्धान कार्यालय पथलैयाका प्रमुख अनुसन्धान अधिकृत सूर्य प्रसाद सेढाईले प्रतीकलाई जानकारी दिए ।

Friday, May 4, 2012

ट्राफिक प्रहरीद्वारा सवारीसाधनहरूबाट जरिवाना असुलीमा वृद्धि ९ महिनामा डेढ लाख सवारीचालकलाई कारबाई, डेढ करोड असुली

ट्राफिक प्रहरीद्वारा सवारीसाधनहरूबाट जरिवाना असुलीमा वृद्धि ९ महिनामा डेढ लाख सवारीचालकलाई कारबाई, डेढ करोड असुली

गम्भीरा सहनी, जीतपुर, २१ वैशाख/
    ट्राफिक प्रहरीले नीति निर्देशनविपरीतका सवारीसाधन तथा सवारीचालकहरूलाई कारबाईस्वरूप ९ महिनामा डेढ करोड नगद जरिवाना असुल गरी राजस्व दाखिला गरेको मध्य क्षेत्रीय ट्राफिक प्रहरी कार्यालय पथलैयाले जनाएको छ ।
    सवारीसाधनको बाहिरी संरचना जस्तै हेडलाइट, साइडलाइट, इन्डिकेटर लाइट, लुकिङ ग्लास, नम्बर प्लेटसहित सवारीसाधनको चाल, साइड, पार्किङस्थल तथा सवारीसाधन र सवारीचालकको आवश्यक सरकारी कागजपत्रहरू दुरुस्त तथा ठीक भए नभएको चेकजाँच गरी ट्राफिक प्रहरीले तीनपटकमा रु. २५ देखि बढीमा रु. २ सयसम्म जरिवाना गर्ने कानूनी व्यवस्था छ र सोभन्दा बढी दण्डजरिवाना गर्ने अधिकार यातायात व्यवस्था कार्यालयलाई कानूनले दिएको एक कानून व्यवसायीले बताए ।
    ट्राफिक नीति निर्देशनविपरीतका सवारीसाधन एवं सवारीचालकधनीलाई पहिलोपटकमा रु. २५ देखि ५०, दोस्रोपटकमा रु. ५१ देखि १०० र तेस्रोपटकको सोही गल्तीमा रु. १०१ देखि रु. २०० सम्म जरिवाना गर्ने कानूनी व्यवस्था छ । फेरि सोही गल्ती फेला पारिएको खण्डमा थप दण्डजरिवाना र कारबाईको लागि ट्राफिक प्रहरीले सो सवारीसाधन र सवारीचालकलाई यातायात व्यवस्था कार्यालयमा चलान गर्नुपर्ने प्रचलित सवारी ऐनमा व्यवस्था गरिएको छ । तर, सो ऐन–नियम तथा व्यवस्थाविपरीत ट्राफिक प्रहरीहरूले आफूखुशी जरिवाना असुली गर्दै आएकोले ट्राफिक उल्लङ्घनमा झन् वृद्धि भएको एक कानून व्यवसायीले बताए ।
    ट्राफिक प्रहरीहरूको जरिवाना गर्ने सीमाले गर्दा सवारीसाधन तथा सवारीचालकको कमीकमजोरीसहित ट्राफिक उल्लङ्घनमा वृद्धि भएको छ र सो नियन्त्रण गर्नको लागि सरकारले थप रु. २ सयदेखि २ हजारसम्म जरिवाना र कारबाई गर्ने कानूनी अधिकार यही वैशाखदेखि ट्राफिक प्रहरी कार्यालयलाई  दिएको एक प्रहरी अधिकृतले बताए ।
    मध्य क्षेत्रीय ट्राफिक प्रहरी कार्यालय पथलैयाको विवरणअनुसार चालू आव २०६८/०६९ को साउन–चैत ९ महिनामा १ लाख ४५ हजार ८ सय २७ सवारीसाधन र सवारीचालकहरूबाट कारबाईस्वरूप रु. १ करोड ६९ लाख ५६ हजार ७ सय ४८ जरिवाना गरी राजस्व दाखिला गरिएको देखिन्छ भने कारबाई तथा जरिवाना रकमको परिमाणबमोजिम एउटा सवारीसाधन वा एक सवारीचालकको जरिवाना रकम सरदर रु. १ सय मात्र छ र अब नयाँ जरिवाना रकमको परिमाणले अपराध तथा जरिवानामा के कति नियन्त्रण वा वृद्धि हुने हो, अहिले प्रतिक्षाको विषय भएको एक ट्राफिक प्रहरी अधिकृतले बताए ।
    चालू आव २०६८/०६९ को साउन–चैत ९ महिनामा ४१ हजार ७ सय ५५ वटा ट्रक र चालकबाट ४८ लाख ४९ हजार ९ सय ४० रुपैयाँ, २० हजार ६ सय ७ वटा बस र चालकबाट रु. २४ लाख २७ हजार ७ सय ४५ रुपैयाँ, १४ हजार ४ सय २६ वटा कार, जीप, भ्यान र चालकबाट रु. १६ लाख ५१ हजार ५ सय १० रुपैयाँ, ८ हजार ६ सय ७५ वटा ट्रयाक्टर र चालकबाट रु. १० लाख २८ हजार ३ सय ५० रुपैयाँ, ५७ हजार ९ सय १८ वटा मोटरसाइकल र चालकबाट रु. ६७ लाख ९ हजार ५ सय ८ रुपैयाँ र २ हजार ४ सय ४९ वटा टेम्पो र चालकबाट रु. ८९
हजार ६ सय ७५ जरिवाना असुल उपर गरी रु. १ करोड ६९ लाख ५६ हजार ७ सय ४८ राजस्व दाखिला गरेको
मध्य क्षेत्रीय ट्राफिक प्रहरी कार्यालय पथलैयाको तथ्याड्ढले देखाएको छ ।

Friday, April 13, 2012

आयल निगमद्वारा थप २ अर्ब माग

आयल निगमद्वारा थप २ अर्ब माग

    वाणिज्य तथा आपूर्ति मन्त्रालयले वैशाख महिनाका लागि पेट्रोलियम पदार्थको हाहाकार हुन नदिन अर्थ मन्त्रालयसित २ अर्ब रुपैयाँ तत्काल उपलब्ध गराउन माग गरेको छ । भारतीय आयल निगमलाई तिर्नुपर्ने बक्यौता रकम २ अर्ब रुपैयाँ पुगेपछि उसले तेल आपूर्तिमा ५० प्रतिशत कटौती गरिसकेको उल्लेख गर्दै आपूर्ति मन्त्रालयले रकम माग गरेको हो । पेट्रोलियम पदार्थमा चर्को मूल्यवृद्धि गरेपनि निगमले आव २०६३/०६४ देखि २०६७/०६८ सम्मको आयात र बिक्रीसम्बन्धी तथ्याड्ढमा त्यस्तो घाटा नभएको स्पष्ट देखिएको छ ।

Find us