Tuesday, December 3, 2019

पञ्चवर्षीय गढीमाईमा विशेष पूजा सम्पन्न, साढे ते¥ह हजार राँगाको बलि चढ्यो

प्रस, निजगढ, १७ मङ्सिर/
    प्रदेश नं २ अन्तर्गत बारा जिल्लाको बरियारपुर–१ मा गढीमाई पञ्चवर्षीय मेलामा सोमवार राति १२ बजे विशेष पूजा विधिवत्रूपमा सम्पन्न भयो ।
    पुरोहित ताराकृष्ण पाण्डेयद्वारा मन्त्र उच्चारण गरी गढीमाईका मूल पुजारी मङ्गल चौधरी र तान्त्रिक दुखा धामीले विशेष पूजा गरेका थिए ।
    गढीमाई देवीको मन्दिरदेखि करीब ३ सय मिटर पूर्वस्थित ब्रह्मस्थानमा विशेष पूजाआजा गर्दै मुसा, सुङ्गुर, बोका, राँगाको बलि दिएर र तान्त्रिक दुखा धामीले आप्mनो शरीरको पाँच स्थानबाट रगत निकालेर चढाएपछि बलि शुरू भएको हो । तान्त्रिक दुखा धामीले आप्mनो शरीरको निधार, कान, जिब्रो, दाहिने छाती, दाहिने तिघ्राबाट रगत निकाली रगत चढाएका थिए ।
    राति १२ बजेदेखि तान्त्रिक विधिबाट गढीमाई मन्दिरका पुजारीहरूले विशेष पूजा शुरू गरेका थिए । पूजापाठ गर्दागर्दै आपैंm बत्ती बलेपछि पूजा सफल भएको मन्दिरका पुजारी शिव चौधरीले बताए । आपैंm बत्ती बलेपछि पहिले पाँच वर्षभन्दा बढी उमेरको बोका र जङ्गलबाट ल्याइएको सेतो मुसा, बच्चा अवस्थाको हाँसको अन्डा, बाख्रा र परेवालाई ब्रह्मस्थानमा नै पञ्चबलि दिइएको थियो । पञ्चबलि दिएपछि बलिको लागि ल्याइएका राँगाहरूमध्ये एउटा राँगाको बलि आपैंmले दिएर पूजापाठ गरेपछि गढीमाईलाई राँगा बलि दिने कार्य शुरू भएको पुजारी चौधरीले जानकारी दिए ।
    श्रद्धालु भक्तजनहरूले बलिका लागि ल्याएका राँगालाई ब्रह्मस्थानसँगैको वधशालामा सङ्कलन गरिएको थियो । सङ्कलन गरिएका राँगालाई गढीमाई पूजा व्यवस्थापन समितिले तोकेका तीन सयजना स्वयंसेवकहरूले धारिलो  खुँडा, खुकुरीले मार हानेर बलि दिएका थिए । यस वर्ष करीब १३५०० वटा राँगाको बलि चढेको वधशालाका अधिकारीहरूले बताएका छन् । उनीहरूका अनुसार करीब ११ हजार राँगा वधशालामा दर्ता भई बलि दिइएको थियो भने आसपास क्षेत्रमा गरी करीब २५०० वटा राँगाको बलि चढाइएको थियो ।
    मङ्सिर १७ गते मङ्गलवार दिनभरि राँगाको बलि चढ्यो । १८ गते बुधवारदेखि बोकाको बलि चढ्ने र परेवा उडाउने तिथि रहेको छ । पशुबलि चढाउन मुलुकका विभिन्न जिल्ला र मित्रराष्ट्र भारतका विभिन्न राज्यहरूबाट श्रद्धालु भक्तजनहरू गढीमाईको दर्शन गर्न आइपुगेका छन् ।
    भाकल पूरा भएपछि आउनेहरूले बोका, राँगाको बलि दिने र केहीले परेवा उडाउने गरेको मन्दिरका पुजारीले बताए । त्यसैगरी, नरिवलको पानी माताको चरणमा चढाउन आएका भक्तजनहरूको पनि घुइँचो थियो । चिताएको माग्दा गढीमाईले मनोकाङ्क्षा पूरा गरिदिने जनविश्वास छ ।
    अहिंसावादी विभिन्न सङ्घसंस्थाहरूले बलिको विरोध गरेसँगै बलि दिइरहेको श्रव्य दृश्य वा तस्वीर खिच्न गढीमाई बलि व्यवस्थापन समितिले वर्जित गरेको थियो ।
    मङ्सिर १ गतेदेखि शुरू भएको  पञ्चवर्षीय गढीमाई पूजा तथा मेला मङ्सिर महीनाभरि चल्नेछ । मेला अवधिभर ६० देखि ८० लाख भक्तजन गढीमाई मेलामा आउने गढीमाई मेला व्यवस्थापन समितिको अनुमान छ ।
पर्सा जिल्लामैं गढीमाईको भाकल चढाइयो
प्रस, सेढवा/
    बाराको बरियारपुरस्थित विश्वमा बलिको लागि प्रसिद्ध गढीमाई मन्दिरमा दिइने बलि सरह पर्सा जिल्लामा पनि बलि दिइने प्रचलन छ ।
    पञ्चवर्षीय मेलामा मानिसहरूको घुइँचो लाग्ने र बस्ने, खाने, सुत्ने, शौच गर्नेलगायतका समस्या झेल्नुपर्ने भएकाले पर्सा जिल्लाका अधिकांश ग्रामीणवासीले आआप्mनो क्षेत्रमा बलि दिने, पूजाअर्चना गर्ने कार्य गर्दै आएका छन् ।
    सखुवाप्रसौनी, जीराभवानी, पटेर्वासुगौली गाउँपालिका र पर्सागढी नगरपालिकालगायतका ठाउँमा यस प्रकारको प्रचलन रहेको त्यहाँका मानिसहरूले बताएका छन् ।
    सखुवाप्रसौनी गापा–३ निवासी ७० वर्षीय कमल यादवले गढीमाई मेलामा भाकल चढाउन जाँदा समस्या भोग्नुपरेका कारण थुप्रै वर्ष अगाडिदेखि भाकल तथा गढीमाईको पूजा गाउँमैं गर्ने प्रचलन शुरू भएको बताए । उनले भाकल गर्नेहरूले आप्mनो वडा, क्षेत्र छाडेर गाउँकै अन्य क्षेत्रमा भाकल, पूजा गर्ने कार्य गर्दै आएको बताए ।
    जीराभवानी गापा–३ सेढवा का ५६ वर्षीय रामराज दास थारूले पनि गढीमाईमा गरिने भाकल गाउँमैं पूजाआजा गरेर सम्पन्न गर्ने गरेको बताए । गाउँलेहरूले राँगा, बोका, कुखुरा, हाँस, परेवा र मिठाइको भाकल आप्mनो टोलबाहेकको क्ष्Fेत्रमा गर्ने गरेको बताए । गढीमाई मेलामा लाखौं मानिसहरूको भीड हुने र त्यहाँ बलिलगायतका भाकल पूरा गर्न जाँदा समस्या बेहोर्नुपरेको हुनाले गाउँलेहरूले यो कार्यलाई गाउँमैं निरन्तरता दिंदै आएको उनको भनाइ थियो ।
    पर्सागढी नगरपालिकामा आज मात्र एक हजार राँगा र बोकाको बलि दिइएको बताइन्छ ।
    बाराको गढीमाईमा भने बलिको लागि छुट्टै सिमाना तोकिएको छ । परम्परागतरूपमा पञ्चवर्षीय मेलामा दिइने भाकल तोकिएको सिमानामा दिन सकिनेछ तर पर्सा जिल्लाका केही गाउँमा भने आपैंmले सिमाना तोकेर भाकल पूरा गर्दै आएका छन् ।
    आज मङ्गलवार परेकोले पर्सा जिल्लाका ग्रामीण क्षेत्रमा थोरै मात्र बलि चढाइयो ।
    बुधवार पनि बलि यथावत् रहने र सो दिन थुप्रै मानिसहरूको सहभागिता हुन सक्ने अनुमान गरिएको छ ।

SHARE THIS

Author: Prateek Daily

वीरगंजबाट प्रकाशित राष्ट्रिय “क” वर्गको दैनिक पत्रिका

0 comments:

Find us