Monday, December 2, 2019

हिउँदे बालीको लागि रासायनिक मल भित्रिन शुरू

प्रस, वीरगंज, १६ मङ्सिर/
    हिउँदे बालीका लागि आवश्यक रासायनिक मलको अभाव हुन नदिन सरकारले वीरगंज नाकाबाट नेपालका लागि डिएपी मल भिœयाउन शुरू गरेको कृषि सामग्री कम्पनी लिमिटेड क्ष्Fेत्रीय कार्यालय वीरगंजले जनाएको छ ।
    गहुँ, तोरी, मसुरोलगायत रवि बालीको खेती शुरू हुनु एक महीनाअगाडि नै सरकारले चीन तथा ओमानबाट आयात गरेको रासायनिक मल वीरगंज नाकाबाट नेपाल भित्रिन शुरू भएको छ ।
    ग्लोबल टेन्डरमार्पmत् सरकारले हिउँदे बालीका लागि खरीद गरेको ४५ हजार मेट्रिकटन डिएपी र ६० हजार मेट्रिकटन युरिया मलको पहिलो खेप वीरगंजको श्रीसिया सुक्खा बन्दरगाहमा आइपुगेको सो कार्यालयले जनाएको छ ।
    भारतको कोलकाता बन्दरगाहबाट रेलमार्पmत् पहिलो खेपमा २ हजार ५ सय मेट्रिकटन डिएपी मल श्रीसिया सुक्खा बन्दरगाहमा पुगेको कृषि सामग्री कम्पनी लिमिटेड वीरगंजले जनाएको छ ।
    ५ महीनाअगाडि नै ग्लोबल टेन्डरमार्पmत् खरीद गरिएको मल नेपाल भित्रिन शुरू भएकोे हो । एक महीनाभित्र पूरै मल आइपुग्ने कृषि सामग्री कम्पनी लिमिटेड प्रदेश नं २ का प्रबन्धक गोविन्दप्रसाद पराजुलीले बताए ।
    आयात हुन लागेकोमध्ये विराटनगर वितरण केन्द्रका लागि युरिया १२ हजार ५ सय मेट्रिकटन, डिएपी ११ हजार मेट्रिकटन सडकबाट र वीरगंज तथा भैरहवा वितरण केन्द्रका लागि ८१ हजार ५ सय मेट्रिकटन मल रेलबाट नेपाल भित्रिने कृषि सामग्री कम्पनीले जनाएको छ ।
    आयात भएको मलमध्ये वीरगंज वितरण केन्द्रलाई युरिया २५ हजार मेट्रिकटन, डिएपी १७ हजार ५ सय मेट्रिकटन र भैरहवाका लागि युरिया २२ हजार ५ सय मेट्रिकटन, डिएपी १६ हजार ५ सय मेट्रिकटन छुट्याइएको कृषि सामग्री कम्पनीले जनाएको छ ।

SHARE THIS

Author: Prateek Daily

वीरगंजबाट प्रकाशित राष्ट्रिय “क” वर्गको दैनिक पत्रिका

0 comments:

Find us