Wednesday, October 16, 2019

चोरीमा बालकको प्रयोग

    यताका दिनमा नेपालमा कल्पना पनि गर्न नसकिने खालका व्यवहारहरू देखिन थालेका छन् । किशोरीहरूमाथि तेजाब प्mयाँक्ने घटना होस् वा हाडनाता करणीका कुरा हुन्, देशको प्रतिष्ठित ठाउँमा पुगेका व्यक्तिको अनैतिक क्रियाकलापमा संलग्नताको कुरा होस् वा दाइजो नपाएको वा निरन्तर नपाउँदा चेलीबेटीलाई सासना दिने र मार्नेसम्मका उद्यम भइरहेका छन् । यी र यस्ता घटनाहरूको अन्तरमा मानिसको कलुषित इच्छा, आकाङ्क्ष्Fा लुकेको कुरा त प्रस्ट छ नै, वर्तमान परिस्थितिले यसमा मलजल गरिरहेको पनि बुझ्न सकिन्छ । किनभने मानिस मूलमा पशु नै हो । उसमा तमाम पाशविक प्रवृत्ति कुण्ठित भएर बसेको हुन्छ । समाज, लोकलाज, कानूनको भयले त्यो कुण्ठा दमित रहुन्जेल यस्ता क्रियाकलाप अपवादको रूपमा हुने गरेपनि नियन्त्रण वा नियमनको अभावमा खुलेर आउन थाल्छ । त्यस कारण के भन्न सकिन्छ भने अहिले हाम्रो समाज निर्बल भएको छ । विवेकयुक्त कार्यको लागि ठोस निर्देशन दिन सकिरहेको छैन । यो देशमा लामो समयसम्म चलेको सङ्क्रमणकालको उपज हो ।
    ठोरीका बजारहरूमा धेरैपटक सुनका गहनाहरू चोरी भए । अहिले आएर एकजना ९ वर्षका बालक पक्राउ परेका छन् । हुनत उनी दोषी नै हुन् भन्ने निक्र्योल भइसकेको छैन, तर प्रत्यक्षदर्शीहरू उनले नै चोरी गरेको बताउँछन् । प्रश्न उठ्न सक्छ, जुन बालकलाई सुनको उपयोग पनि थाहा छैन, के उसले ती सबै चोरी गरेको होला ? दसीसहित पक्राउ परेकोले चोरी गरेको त हो, तर त्यस पछाडि कुनै अभिप्रेरक निश्चय नै हुनुपर्छ भन्ने स्वाभाविक अभिमत बन्दछ र प्रहरीको अनुमान पनि त्यही छ । त्यस्तो हो भने त्यस अभिप्रेरकले अरू पनि बालकहरूलाई यसका लागि तयार गरेको हुनुपर्छ । स्थानीय बजारहरूमा चोरी भएका सबै वारदातमा त्यही बालकको हात छ भने त्यसको जानकारी उसका अभिभावकलाई  निश्चय नै हुनुपर्छ । अभिभावकले थाहा पाएर पनि किन आप्mनो सन्तानलाई त्यस दुष्कर्मबाट रोक्ने प्रयास गरेन, कि अभिभावककै मिलेमतोले यस्तो घटना भएको हो भन्ने प्रश्न पनि उठ्छ । अभिभावककै मिलेमतो हो भने सा¥है अधम काम हो । अन्यथा कोही अरू यसमा संलग्न छ भने त उसले गिरोह नै खडा गरेको होला १
    यस कुराको राम्ररी छानबीन गरी प्रहरी निक्र्योलमा पुग्न सक्यो भने धेरै बालबालिकाको जीवन बर्बाद हुनबाट जोगिन्छ । किनकि असल कामको प्रचार पैदल बाटोबाट हुन्छ, नराम्रो काम कुरा हावामा तैरिंदै पैmलन्छ । शुरू मधेस आन्दोलनपछिको भूमिगत समूहहरूको बिगबिगी भएको बेलाको घटनाहरूलाई स्मरण गरौं भने एउटा विद्यार्थीले मोटरसाइकल पाउने लोभमा कसैको हत्या गरेको दृष्टान्त भेटिन्छ । त्यसबेला समाजमा नैतिकता भन्ने कुनै कुरा थिएन । दण्ड विधान फितलो थियो । शासनसत्ता निर्धो थियो । आज त्यो अवस्था छैन । आज समाज व्यवस्थित हुँदै गएको छ । कानूनको परिपालना पनि भइरहेको छ, देशमा स्थायित्व आउने लक्षण देखापरिरहेको छ । मानिसमा गलत कामका लागि, कानूनी र सामाजिक डर उत्पन्न हुँंदै गएको छ । यस अवसरमा प्रहरी प्रशासनको सानो पनि तदारुकताले विधिको शासन लागू हुन सक्छ । एकपटक विधिको शासन लागू भएपछि फेरि समाजमा कुनै प्रतिकूलता देखिनेछैन । यस तथ्यलाई मनन गरेर सरकार, प्रहरी–प्रशासन वा नागरिक समाज सबैले विवेकयुक्त पाइला चाल्न जरुरी छ । कस्तै पनि लोभ–लालच त्यागेर समाजलाई सही दिशा दिनु जरुरी छ ।

SHARE THIS

Author: Prateek Daily

वीरगंजबाट प्रकाशित राष्ट्रिय “क” वर्गको दैनिक पत्रिका

0 comments:

फरक समाचार

Find us